Cherokee (vouk)

De printervriendelijke versie wordt niet langer ondersteund en kan weergavefouten bevatten. Werk uw browserbladwijzers bij en gebruik de gewone afdrukfunctie van de browser.

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Cherokee (spraek oet: (t)sjerrəkie; Cherokee: ᎠᏂᏴᏫᏯ aniyvwiyaʔi of ᏣᎳᎩ tsalagi) vörmen ei vanne inheimsje völker van Naord-Amerika. Zie wóndjen oearsprunkelik inne oeastelike en zuudoeastelike Vereinigdje Staote, toetdet zie inne neugentieëndjen ieëf gedwónge móste verhoeze nao de Ozarkberg. Noe d'n daag waere drie stammen erkandj dore Vereinigdje Staote: de Stam van 't Oeaste (Naord-Carolina), de Vereinigdje Keetowah-stam (Oklahoma) enne Cherokee-naasje (Oklahoma).

Inne neugentieëndjen ieëf woorte de Cherokee in 't zuudwèste van 't landj door Europese kolonisten inne Vereinigdje Staote betrach es eine vanne "vief besjaafdje stamme" óngere Indianevölker. De raeje hieveur waas det de Cherokee landjboewers wore die in dörper wóndjen en gewuuendjen en uterlikheje vanne kolonisten hawwen euvergenómme. De Cherokee behuuerdje toete ieëste luuj oet neet-Europese lenjer die 't Amerikaans staotsbörgersjap verwórve.

Es m'n allein de leje vanne Cherokee-stamme tèltj guuef 't zoeaget 320.000 Cherokee-indiane; wen me luuj tèltj die zichzelf (deils) es Cherokee betrachte, kump m'n aan op e getaal van 820.000 luuj.