Oppersorbisch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Oppersorbisch is 'n klein Wes-Slavische taol die in 't ooste vaan Duitsland in Sakse (en Brandeburg) gesproke weurt. Nao sjatting kinne 40.000 lui de taol spreke; mesjiens 15.000 daovaan zien mojertaolsprekers. De Oppersorbe höbbe Bautzen es cultureel centrum.
't Sorbisch is nao d'n Twiede Wereldoorlog in twie officieel taole oeterein gevalle: 't Oppersorbisch en 't Nedersorbisch, dat te noorde daovaan in Brandeburg gesproke weurt. Bei taole zien hendeg awwerwets en höbbe väöl buigingsvörm: de taole höbbe zeve naomvalle en drei grammaticaal getalle; neve inkelvoud en miervoud ouch nog dualis. Zoe is 't bev. ruka "hand", ruce "twie hen" en ruki "hen vaan mie persone".