പാസ്സിഫ്ലോറേസി
| പാസ്സിഫ്ലോറേസി | |
|---|---|
| |
| Passiflora caerulea | |
| ശാസ്ത്രീയ വർഗ്ഗീകരണം | |
| കിങ്ഡം: | |
| (unranked): | |
| (unranked): | |
| (unranked): | |
| Order: | |
| Family: | Passifloraceae |
| Subfamilies | |
| Synonyms | |
|
Malesherbiaceae D.Don, nom. cons.
Modeccaceae Horan. | |
സപുഷ്പികളുൾപ്പെടുന്ന ഒരു സസ്യകുടുംബമാണ്പാസ്സിഫ്ലോറേസി (Passifloraceae). പാഷൻ ഫ്ലവർ ഫാമിലി (passion-flower )എന്നറിയപ്പെടുന്ന ഈ സസ്യകുടുംബത്തിൽ 16 ജീനസ്സുകളിലായി ഏകദേശം 705 സ്പീഷിസുകൾ ഉൾപ്പെടുന്നു. കുറ്റിച്ചെടികളും ചെറുമരങ്ങളും വൃക്ഷങ്ങളും, വള്ളികളും ഉൾപ്പെടുന്ന സസ്യകുടുംബമാണ് പാസ്സിഫ്ലോറേസി. സാധാരണയായി ഉഷ്ണമേഖലാപ്രദേശങ്ങളിലാണ് ഈ സസ്യകുടുംബത്തിലെ അംഗങ്ങൾ കണ്ടുവരുന്നത്.[3] കേരളീയർക്ക് പരിചിതങ്ങളായ ആകാശവെള്ളരി, അമ്മൂമ്മപ്പഴം, പാഷൻ ഫ്രൂട്ട്, കരിമുതുക്ക് തുടങ്ങിയ സസ്യങ്ങൾ പാസ്സിഫ്ലോറേസി സസ്യകുടുംബത്തിലുൾപ്പെടുന്നവയാണ്. പല സസ്യങ്ങളും ഔഷധഗുണമുള്ളവയും (ഉദാ., കരിമുതുക്ക്) ഭക്ഷ്യയോഗ്യവുമാണ്(ഉദാ., പാഷൻ ഫ്രൂട്ട്). 525 സ്പീഷിസുകളുൾപ്പെടുന്ന പാസ്സിഫ്ലോറ ( Passiflora) യാണ് ഈ സസ്യകുടുംബത്തിലെ ഏറ്റവും വലിയ ജീനസ്സ്.
സവിശേഷതകൾ
[തിരുത്തുക]ഈ സസ്യകുടുംബത്തിൽ ഒട്ടുമിക്ക സസ്യങ്ങളും ആരോഹികളാണ്. അതിനാൽ ഇവയുടെ തണ്ടിൽ ഇലകൾക്കു് വിപരീതമായി ക്രമീകരിച്ച വള്ളിക്കൊടികൾ (tendrils) കാണപ്പെടുന്നു. ഇവയുടെ ഇലകൾ ലഘുപത്രത്തോടുകൂടിയവയോ ഹസ്തകബഹുപത്രങ്ങങ്ങളോടു കൂടിയവയോ ആണ്. ഏകാന്തരന്യാസത്തിൽ (alternate) ക്രമീകരിക്കപ്പെട്ടതും, സിരാവിന്യാസം ജാലികാസിരാവിന്യാസത്തോടു കൂടിയവയോ ഹസ്തക സിരാവിന്യാസത്തോടു കൂടിയവയോ ആണ്. ഇവയുടെ പത്രവൃന്തത്തിന്റെ അടിയിലായി വേഗം കൊഴിഞ്ഞുപോകുന്ന തരത്തിലുള്ള ഉപപർണ്ണങ്ങൾ കാണപ്പെടുന്നു.
രൂപഘടനയിൽ സങ്കീർണ്ണമായ ഇവയുടെ പൂക്കൾ ദ്വിലിംഗ സ്വഭാവത്തോടു കൂടിയവയും പ്രസമത (കൃത്യം മൂന്നായി വിഭജിക്കാവുന്ന-actinomorphy)പാലിക്കുന്നവയാണ്. ഇവയുടെ പൂക്കളിൽ രണ്ട് വർത്തുളമായ പുഷ്‌പദളമണ്‌ഡലങ്ങളിലായാണ് ദളങ്ങൾ വിന്യസിച്ചിരിക്കുന്നത്. ദളങ്ങൾക്കും വിദളങ്ങൾക്കും അല്ലാതെ മൂന്നാമതായൊരു വർത്തുള മണ്‌ഡലമായ പുഷ്പപ്രഭാമണ്ഡലം (corona) കാണപ്പെടുന്നു. ആകർഷണീയമായ തന്തുക്കളാൽ സമ്പന്നമാണ് പുഷ്പപ്രഭാമണ്ഡലം. ഇത്തരം സസ്യങ്ങളിൽ പുഷ്പപ്രഭാമണ്ഡല(corona) ത്തിനു മുകളിലായി പുംബീജപ്രധാനമായ കേസരങ്ങളും(stamen) സ്ത്രീബീജപ്രധാനമായ ജനിപുടവും (Gynoecium) കൂടിച്ചേർന്ന (androgynophore) രീതിയിലാണ്. ഇതിൽ അഞ്ച് കേസരങ്ങളും (stamen) ഓരോന്നിന്റേയും അഗ്രഭാഗങ്ങളിൽ പരാഗരേണുക്കളാൽ സമൃദ്ധമായ പരാഗി(Anther)കളും, അണ്ഡാശയവും ജനിദണ്ഡും(style) അതിന്റെ അഗ്രഭാഗത്തായി പരാഗണസ്ഥലവും (stigma) ഉൾപ്പെടുന്നു.
പൂക്കൾക്കു പുറമെ ഇല, തണ്ട്, ഉപപർണ്ണങ്ങൾ തുടങ്ങിയ ഭാഗങ്ങളിലും ഇത്തരം സസ്യങ്ങൾ തേൻ ഉൾപാദിപ്പിക്കാറുണ്ട്. ഗോളാകൃതിയിലോ നീളത്തിലോ ആയ ഫലങ്ങളാണ് ഇവയ്ക്കുള്ളത്. പുറം തൊലിക്കുള്ളിലായി മാംസളമായ ആവരണങ്ങളാലുള്ള ഒരുപാട് വിത്തുകളുൾകൊള്ളുന്നു. ചില സ്പീഷിസുകളുടേയും ഫലങ്ങൾ ഭക്ഷ്യയോഗ്യമാണ്.[4][5]
ഉപയോഗങ്ങൾ
[തിരുത്തുക]അലങ്കാര സസ്യങ്ങളായും, ഭക്ഷ്യ ആവശ്യങ്ങൾക്കും, ഔഷധ ഗുണമുള്ള ഇവ വേദനാസംഹാരിയായും പാമ്പിൻ വിഷത്തിനു പ്രതിവിധിയായും ഉപയോഗിക്കാറുണ്ട്. ഇവയുടെ വേരുകൾ പൊള്ളലേറ്റാലും, മുറിവുണ്ടായാലും മറ്റും അരച്ച് പുരട്ടാറുണ്ട്. [6]
ഉപകുടുംബങ്ങളും ജീനസ്സുകളും
[തിരുത്തുക]പാസ്സിഫ്ലോറേസി സസ്യകുടുംബത്തിലെ മൂന്ന് ഉപകുടുംബങ്ങളും അവയുടെ ജീനസ്സുകളും താഴെകൊടുക്കുന്നു.
ഈ ഉപകുടുംബത്തിന് ഒരു ജീനസ്സാണുള്ളത്
- മാൽഷെർബിയ Ruiz & Pav.
പതിനേഴ് ജീനസ്സുകളുള്ള ഈ ഉപകുടുംബമാണ് പാസ്സിഫ്ലോറേസി സസ്യകുടുംബത്തിലെ വലിയ ഉപകുടുംബം
|
ഈ ഉപകുടുംബത്തിന് പത്ത് ജീനസ്സുകളാണുള്ളത്
|
ചിത്രശാല
[തിരുത്തുക]-
-
-
പാഷൻ ഫ്രൂട്ടിന്റെ പൂവ്
-
പാഷൻ ഫ്രൂട്ടിന്റെ പൂവ്
-
പാഷൻ ഫ്രൂട്ടിന്റെ ഉൾഭാഗം
-
കരിമുതുക്കിന്റെ കായകൾ
അവലംബം
[തിരുത്തുക]- ↑ 1.0 1.1 1.2 "Family: Passifloraceae Juss. ex Roussel, nom. cons". Germplasm Resources Information Network. United States Department of Agriculture. 2003-01-17. Retrieved 2012-01-10.
- ↑ Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III" (PDF). Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. Retrieved 2013-07-06.
- ↑ "Passifloraceae". Encyclopaedia Britannica. Retrieved 26 ഫെബ്രുവരി 2016.
- ↑ "Passifloraceae Juss". The families of flowering plants. Archived from the original on 2005-03-14. Retrieved 26 ഫെബ്രുവരി 2016.
- ↑ "Passionflower – Ecology, Cultivation, Botany, and Medicinal and Edible Uses".
- ↑ "PASSIFLORACEAE - Passion Flower Family". PASSIFLORACEAE - Passion Flower Family. Archived from the original on 2016-04-10. Retrieved 26 ഫെബ്രുവരി 2016.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "GRIN Genera of Passifloraceae". Germplasm Resources Information Network. United States Department of Agriculture. Retrieved 2012-01-10.
പുറത്തേക്കുള്ള കണ്ണികൾ
[തിരുത്തുക]പാസ്സിഫ്ലോറേസി എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
- Passiflora Online Archived 2012-01-20 at the Wayback Machine.
- The Passiflora Society International
- Passiflora Picture Gallery
- Passifloraceae Archived 2005-03-14 at the Wayback Machine. in L. Watson & M.J. Dallwitz (1992 onwards). Archived 2007-01-03 at the Wayback Machine. The families of flowering plants: descriptions, illustrations, identification, information retrieval Archived 2007-01-03 at the Wayback Machine.
