Malvaceae
sud-laziale/cominése
| Mavelacée | |
|---|---|
 Hibiscus rosa-sinensis | |
| Crassifecazzione scientìfeca | |
| Dëminië | Eukaryota |
| Regn | Plantae |
| Dëvësion | Magnoliophyta |
| Class | Magnoliopsida |
| Sottëclass | Dilleniidae |
| Órdënë | Malvales |
| Famiglia | Malvaceae |
Le Mavelacée (Malvaceae Juss. 1789) suo na famiglia de chiand Angespèrm spase dénd a le reggiune tembrate é call e tutt la Tèrra. Tiéve, depènn da comm viéve classefecate, circa 100 jènere é cchiù de 1500 spèce. De ssa famiglia fave part spèce che tiéve ne ruoss nderèss cummerciale comm presèmbie fibbr tèssele (chettone, juta, kenaf), chiand p’addebbà (Ibbisch), chiand accebbatòrie (cacáo, gomb, carcadè).
Arrapresendazione
[cagna | cagna surgente]Le frunn suo speralate é stepelate.
Gl sciuore sule, armafredite, attenemuorf. Gl cálece, che tè 5 sèpale attaccate a la base, è spiss raddecchiate a part pe fòre da ne calecitt, la cròlla tè 5 pètale líbbere o cungresciute a la base. Gl andrecèe tè ne muare štame attaccate pe le féla a fermà na spèc’e tubb ch’abbetina gl aštile. Gl genecèe è fatt da 5 - ne muare carpèllera che fórmene n’evarie súpere; ogn carpiégl tè n’òvule ébbía.
Gl frutt è ne peliachènie, fatt da tand merecarp quanda ne suo le carpèllera che, quann suo mature, se štácchene pebbía e la štrecazione de gl recettácule (presèmbie Mávela) o na cápsula leculecida.
Seštemáteca
[cagna | cagna surgente]Appartiéve a gl òrdene de le Malvales. A gl juorn d'uoje la delemmetazione de la famiglia è la raggione de študie é recérch é petéss patì variaziune che la cundenuazione de gl študie.
Štènn a la lútema verzione de la classefecazione felogenèteca [1][2] la famiglia Malvaceae sensu APG tè cchiù de 200 jènere spase dénd a le sottefamiglie mendevate jécch sott:
- Byttnerioideae: 26 jènere, 650 spèce. Pandrepecale, m'parteculare Amèreca e gl Sudd.
- Grewioideae: 25 jènere, 770 spèce. Pandrepecale.
- Sterculioideae: 12 jènere, 430 spèce. Pandrepecale.
- Tilioideae: 3 jènere, 50 spèce. Reggiune tembrate settendrienale é Amèreca cendrale.
- Dombeyoideae: 20 jènere, 380 spèce. Palaeotrepecale, m'parteculare Madagascar é Mascarenésia
- Brownowioideae: 8 jènere, circa 70 spèce. Pellecchiù palaeotrepecale.
- Helicteroideae: da 8 a 12 jènere, 10-90 spèce. Trepecale, m'parteculare a gl Sudd-Èšt Asiateche.
- Malvoideae: 78 jènere, 1,670 spèce. Da tembrate a trepecale.
- Bombacoideae: 16 jènere, 120 spèce. Trepecale, m'parteculare a l'Áfreca, a l'Amèreca é a l'Oceania.