Ännern vun Sylt (Afsatz)

=== Laag ===
[[Bild:Sylt Rotes Kliff.jpg|thumb|left|Blick up dat [[Root Kliff]] bi Kampen]]
Sylt is mit 99,14&nbsp;km² de veertgröttst Insel in Düütschland un dat gröttse düütsch Noordseeeiland. Sylt liggt tüschen 9 un 16&nbsp;Kilometer vör de Küst vun dat Fastland, mit dat se över den 11&nbsp;Kilometer langen Hindenburgdamm verbunnen is. Süüdööstlich vun Sylt liggen de Inseln [[Amrum]] un [[Föhr (Eiland)|Föhr]], nöördlich liggt de däänsch Insel [[Rømø]]. Dicht bi de Noordspitz vun Sylt liggt dat Eiland [[Uthörn]].

De Insel erstreckt sück över 38,0&nbsp;Kilometer in Noord-Süüd-Richten un is in' Noorden, an den [[Königshaben]] bi [[List (Sylt)|List]] blots etwa 320 Meter breet. An hör breedst Stäe, vun [[Westerland]] in' Westen bitto de Nössespitz bi [[Morsum (Sylt)|Morsum]] in' Oosten, meet se 12,6&nbsp;Kilometer. An de West- un Noordwestsiet vun Sylt erstreckt sück en knapp 40 km lang [[Strand|Sandstrand]], to de Oostsiet liggt dat [[Watt]]enmeer, dat to de [[Natschonalpark Sleswig-Holsteensch Wattenmeer]] hörrt un bi leeg Water wietgahnd dröög fallt. 

De Form vun dat Eiland hett sück in de Loop vun de Tiet stetig verännert, en Prozess, de hüüd noch andüert. De nöördlich un de süüdlich [[Nehrung]]shaak vun de Insel bestaht utslutend blots ut wenig fruchtbor [[Sand]]aflagerungen, wieldes de Middeldeel vun de Insel in dat Rebeet vun de ehmalg Gemeenden Westerland, [[Wenningstedt-Braderup (Sylt)|Wenningstedt]] un [[Sylt-Oost]] up en [[Geest]]karn ruht, de vun See ut in Form vun dat [[Root Kliff]] sichtbor is. De dat Wattenmeer towendt Deel vun den Geestkarn geiht in dat Rebeet vun ehmalg Gemeend Sylt-Oost in relativ fruchtbor [[Marschland]] över. Nah hüüd as seker ansehn Borns is Sylt siet de [[Tweet Marcellusfloot]] van 1362 en Eiland. De hööchste Tip vun de Insel is de so nömmt ''Uwe-Düün'' in Kampen mit 52,5 m över [[Normalnull|NN]].