Maassluis
| Wapen/Flagg | Koort | |
|---|---|---|
|
|
| |
| Basisdaten | ||
| ||
| Flach: | 9,10 km² | |
| Inwahners: | 32.273 (Juni 2005) | |
| Inwahnerdicht: | 3.546,5 Inwahners pro km² | |
| Postleettall: | ? | |
| Vörwahl: | ? | |
| Geograafsche Laag: | Koordinaten:51° 33′ N, 4° 8′ O51° 33′ N, 4° 8′ O | |
| Grenzen bi OSM: | 144738 324400, 144738 
| |
| Börgermeester: | Koos Karssen | |
| Websteed: | www.maassluis.nl | |
| ||
Maassluis is en Stadt un ene Gemeende in de nedderlannsche Provinz Süüd-Holland. In de Gemeende leevt Inwahners up 10,11 km² (dorvun 1,51 km² Water).
Historie
[ännern | Bornkood ännern]Maasluis is üm 1340 rüm as en Wohnsteed bi en Slüüs grünnt wurrn. Düsse Slüüs höör to en Seewehr twüschen de Noordsee un Rotterdam. De Naam vun de Wohnsteed weer dormols Maeslandsluys un weer regeert vun Maesland ut. 1489 is de Oort plünnert wurrn. In dat 16. Johrhunnert hett de Herr Marnix van St Aldegonde dor en Schanz anleggen laten. De weer noch nich fardig, as de Spaniers ehr 1573 al innahmen harrn. Dat weern dormols de Johren vun den Achtigjöhrigen Krieg üm de Nedderlannen ehre Freeheit. Aldegonde is gefangen nahmen wurrn. En Johr later plünnern upsternaatsche spaansche Truppen den Oort Maeslandsluys.
An'n 16. Mai 1614 hefft de Staten vun Holland Maeslandsluys selvstännig weern laten. Vun dor af an weer de Naam Maassluis. Dat hett ok Grünnen harrt, de harrn wat mit den Gloven to kriegen: Maassluis weer protestantsch un Maasland hüng an de kathoolsche Lehr. 1624 is de Schanz afbraken wurrn, vunwegen dat de Platz bruukt wurr för den Bo vun de Groote Kerk. Mit düssen Bo güng dat denn 1629 los. Fiev Johr lang is dor avers keen Hand anleggt wurrn, vunwegen dat Kapers ut Düünkark veel Maassluissche Scheep an sik rieten döen un de Mannschoppen över Bord smeten. 1639 is de Grote Kark denn fardig stellt wurrn. An'n 4. Dezember 1732 is dor de beröhmte Garrelsorgel inboot wurrn. Düsse Orgel is vun 1730 bit 1732 vun Rudolf Garrels boot wurrn. Betahlt un an de Stadt schunken hett se de Reeder Govert van Wijn. Stadtrechten kreeg de Oort eerst 1811 dör Napoleon.
Weertschop
[ännern | Bornkood ännern]An'n Anfang vun den Oort weer besunners de Fischeree wichtig. In dat 19. Johrhunnert weern de Sleppers vun de Fa. L. Smit & Co. un de Scheepsbargers vun W.A. van den Tak in de ganze Welt bekannt. In Maassluis is dat Nationaal Sleepvaartmuseum tohuse, wo en de Geschicht vun de Sleppschippsfohrt ankieken kann.
Jöödsche Gemeende
[ännern | Bornkood ännern]An'n 27. April 1688 hett sik de Tabakhöker Levi Jacobs in Maassluis dallaten. Vun 1750 af an is de Gemeende denn wussen. Maasluis weer en vun de wenigen Öörd, wo Joden wahnen dröffen. 1769 kreeg de Gemeende Verlööf un konn sik en Synagoog boen. Man na 1890 is de gröttste Deel vun de Gemeende wegtrocken un 1930 wohnen bloß noch acht Joden in de Stadt. Vun jem is nümms ut'n Tweeten Weltkrieg torüchkamen. De Synagoog is afreten wurrn un de jöödsche Karkhoff is leddig maakt wurrn.
Wat een sik ankieken schall
[ännern | Bornkood ännern]
- De Möhl „De Hoop“
- Dat ole Raathuus (Oort vun dat Sleepschippsmuseum)
- Karkeneiland
- Sydney aan de Waterweg, en futuristische Kark.
Verkehr un Transport
[ännern | Bornkood ännern]Maasluis hett twee Bahnhöff. Siet 1891 de „Statschoon Maassluis“ un vun 1970 af an de „Statschoon Maassluis West“. Mit een Fährschipp warrt de Stadt mit Rozenburg verbunnen. De Autoverkehr löppt över de Autobahn A 20.
Sport
[ännern | Bornkood ännern]In Maassluis gifft dat allerhand Sportvereen. Football warrt speelt bi Excelsior Maassluis, VDL un MSV '71. Bavenhen gifft dat en Scheetvereen, Basketball-, Hockey-, Korfball- un Softballvereen. Dör Maasluis löppt ok de europääsche Wannertour E9, de ok North Sea Trail oder Deltapad heten deit. De E9 löppt vun de Küst vun Portugal hooch na de Staten in dat Baltikum.
Nabergemeenden
[ännern | Bornkood ännern]Maasluis grenz in’n Noordwesten an de Gemeenden Rotterdam un Hoek van Holland. In’n Noorden liggt Westland, in’n Noordoosten Midden-Delfland, in’n Oosten Vlaardingen un in’n Süden noch mol Rotterdam.
Wi de Sitten in den Gemeenderaat verdeelt sünd
[ännern | Bornkood ännern]- PvdA 8 Sitten (Sozialdemokraten)
- CDA 4 Sitten (Christdemokraten)
- Maassluis Belang 3 Sitten
- Verenigde Senioren Partij 3 Sitten
- VVD 3 Sitten (Liberalen)
- ChristenUnie 1 Sitt
- SP 1 Sitt (Sozialisten)
Boren in Maassluis
[ännern | Bornkood ännern]- Abraham Kuyper (29. Oktober 1837 - 8. November 1920), Theoloog, Politiker un Journalist
- Maarten 't Hart (25. November 1944), Bioloog un Schriever
- Koen Pijpers (30. Mai 1969), Hockeyspeler
- Khalid Boulahrouz (28. Dezember 1981), Footballer
- Oscar Moens (1. April 1973), Football-Doorhöder
- Marco Verhoef (10 mei 1971), Meteoroloog (Weermann vun dat NOS-journaal)
Weblenken
[ännern | Bornkood ännern]- Website vun de Gemeende (nedderlandsch)
- Website vun de digitale Stadt Maassluis (nedderlandsch)
- Website vun de Historische Vereniging Maassluis (nedderlandsch)
