Lahmst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 20′ N, 9° 12′ O53° 20′ N, 9° 12′ O | |
|
| ||
Lahmst (hoochdüütsch Lavenstedt) is en Dörp in de Gemeen Sürsen (Samtgemeen Sürsen) in’n Landkreis Rodenborg, Neddersassen. Bi Lahmst höört von öllers ok Eitzt un Eitzmöhlen mit bi.
Geografie
[ännern | Bornkood ännern]Lahmst liggt en poor hunnert Meter af von de Oost.
De Naveröörd sünd Sürsen, Haßel un Seedörp in’n Noordoosten, Godenst in’n Süüdoosten, Eitzt un Eitzmöhlen in’n Süden, Oostereis un Rockst in’n Süüdwesten un Granst in’n Noordwesten.
Historie
[ännern | Bornkood ännern]Lahmst kummt 971 toeerst in de Oorkunnen vör. To de Tied harr dat Klooster Heeßel Besitt in’n Oort.
In’n Eersten Weltkrieg sünd acht Soldaten ut Lahmst fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.
De Oort is an’n 1. März 1974 mit de Gemeenreform in Neddersassen Deel von de Gemeen Sürsen worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 9 Füürsteden |
| 1824[3] | 9 Füürsteden |
| 1848[4] | 91 Lüüd, 16 Hüüs |
| 1. Dezember 1871[5] | 87 Lüüd, 19 Hüüs |
| 1. Dezember 1910[6] | 128 |
| 1925[7] | 143 |
| 1933[7] | 129 |
| 1939[7] | 129 |
Religion
[ännern | Bornkood ännern]Lahmst is evangeelsch-luthersch präägt un höört to dat Kaspel von de St.-Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Sürsen an de Kark.
Weertschop un Infrastruktur
[ännern | Bornkood ännern]Lahmst hett en egene freewillige Füürwehr.
Verkehr
[ännern | Bornkood ännern]Lahmst is över de Kreisstraat 147 mit de K 119 verbunnen, de in’n Noordoosten na Sürsen an de Bundsstraat 71 geiht. De B 71 geiht in’n Noordwesten na Bremervöör un in’n Süüdoosten na Zeven un Rodenborg. de K 119 löppt in’n Süüdwesten na Rockst un Rhaar. In’n Süden geiht en lüttjere Straat na Eitzt un Eitzmöhlen un denn an de K 143, de na Rockst un Godenst löppt.
De nächste Autobahn is de Autobahn 1. De Opfohrt 48 Elsdörp liggt so 17 Kilometer in’n Süüdoosten von Lahmst.
De nächste Bahnhoff is so bi 18 Kilometer wied weg in’n Noorden de Bahnhoff Heesdörp an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Godenst fiev Kilometer in’n Süüdoosten. Dor hett dat von 1890 bet 1968 Personenverkehr geven.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/selsingen_1870-71_wk1u2_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 138: https://books.google.de/books?id=jN5QAAAAcAAJ&pg=PA138
- ↑ C. H. Jansen: Statistisches Handbuch des Königreichs Hannover. 1824, Sied 364: http://books.google.de/books?id=tG0AAAAAcAAJ&pg=PA364
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 145: https://books.google.de/books?id=qTZDAQAAMAAJ&pg=RA2-PA145
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
