Tetraploidie

Tetraploidie is en sünnere Oort vun de Polyploidie, bi de de Zellen vun Deelgeweven oder ok vun’n helen Organismus veer vullstännige Chromosomensätz opwiest.

Tetraploidie kummt fakener bi Planten vör un warrt bi de Tucht vun Kulturplanten dör sünnere Methoden ok as Teel anstreevt, üm Sorten drachtborer to maken (Heterosis-Effekt). Ok bi minschliche Liefzellen is de Tetraploidie bekannt: en lütten Andeel vun de Lebber-Zellen sünd vun Natur ut tetraploid un bargt somit 96 statt 46 Chromosomen, as dat in de normalen diploiden Zell is.

Wiel den Zellzyklus, nipp un nau an’t Enn vun de S-Phaas, sünd bi’n Minschen all Zellen tetraploid, vun wegen dat wiel disse Phaas de Chromosomen synthetiseert un dormit verdubbelt worrn sünd. As sik aver de Zellen dorna splitt, leegt de Zellen in’n Ansluss doran wedder diploid vör.