Ívi Adámou
| Ívi Adámou | |||
 | |||
| Fødd | 24. november 1993 (30 år) | ||
|---|---|---|---|
| Fødestad | Ajía Nápa | ||
| Fødenamn | Ήβη Αδάμου | ||
| Opphav | Kypros | ||
| Aktiv | 2009– | ||
| Sjanger | pop | ||
| Instrument | piano, vokal | ||
| Stemmetype | alt | ||
| Plateselskap | Sony Music Greece | ||
| Verka som | songar | ||
| Sambuar med | Michalis Kouinelis | ||
Ívi Adámou (fødd 24. november 1993) er ein kypriotisk songar frå Ajía Nápa. Ho representerte Kypros i Eurovision Song Contest 2012 med songen «La La Love».
Bakgrunn
[endre | endre wikiteksten]Ívi Adámou har gresk-kypriotisk far og bulgarsk mor, men er oppvaksen på austkysten av Kypros. Ho har drive med musikk sidan barndommen, men vart kjend då ho deltok i den greske versjonen av X Factor i 2009, der ho enda på sjetteplass.
Etter deltakinga fekk ho platekontrakt med Sony Music i Hellas. Ho platedebuterte med EP-en Kalokairi Stin Kardia i 2010, som inneheldt fleire singlar. Ho har òg sunge på ein singel saman med ei gresk hip-hop-gruppe, Stavento'. Singelen «San erthei i mera» vart enormt populær i Hellas i 2010. I november same året gav ho ut Christmas with Ívi Adámou.
Ho vart internt utvald av den kypriotiske nasjonalkringkastaren, RIK, til å representera Kypros i Eurovision Song Contest 2012. I januar 2012 sendte RIK fjernsynsprogrammet A Song for Ívi, der ho song tre låtar. Vinnarlåta vart «La La Love».
Eurovision Song Contest
[endre | endre wikiteksten]«La La Love» vart framført i fyrste semifinalen, 22. mai 2012 i Baku. Songen gjekk vidare til finalen og enda på ein 16. plass.
Kjelder
[endre | endre wikiteksten]- Denne artikkelen bygger på «Ivi Adamou» frå Wikipedia på engelsk, den 26. mai 2012.
- Poengsum er henta frå eurovision.tv, 27. mai 2012.