Attentat

Illustrasjon av attentatet i Sarajevo som utløyste fyrste verdskrigen.

Attentat (frå latin attentatum, 'forsøk på [brotsverk]') er eit planlagt, forsøkt eller utført åtak på person/ar, som regel nytta om offentlege personar. I og med at ordet attentat ordrett handlar om forsøket, er det strengt tatt unødvendig å omtale mislykka drapsforsøk som «attentatforsøk».

Det er dermed heilt korrekt å seie at Adolf Hitler vart utsett for ei rekke attentat, sjølv om ingen av dei enda med at han vart drepen. Det er også strengt tatt meir presist å omtale det som skjedde med president John F. Kennedy som drapet på president K. enn å kalle det for attentatet mot han, sidan uttrykket attentat i seg sjølv ikkje fortel noko om utfallet av attentatet.

Eit vellukka attentat vert nokre gonger kalla for snikmord. Eit snikmord utført med skytevåpen blir nokre gonger kalla snikskyting, men treng ikkje nødvendigvis å vere eit døme på skarpskyting.

Kjelder

• Denne artikkelen bygger på «Attentat» frå Wikipedia på bokmål, den 18. april 2008.

Bakgrunnsstoff

• Attentat i Store Norske Leksikon
  Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.