Diskordans

Det er eit sprang på ein milliard år i dette berglaget der 500 millionar år gammal dolomitt ligg over 1,5 milliardar år gammal rhyolitt.

Hutton sin diskordans ved Jedburgh, Scotland, illustrert av John Clerk i 1787 og fotografert i 2003.

Ein diskordans er ei gravlagd erosjonflate som ligg mellom to berglag eller strata av forskjellig alder. Dette indikerer at sedimentavleiringa ikkje skjedde samanhengande. Generelt har ofte det eldre laget vore utsett for erosjon i tida før det yngre laget vart lagt oppå, men uttrykket vert nytta om alle slike sprang i sedimentære berglag. Fenomenet vinkeldiskordans vart oppdaga av James Hutton, som fann døme på dette i Jedburgh i 1787 og ved Siccar Point i 1788.

Bergartane over ein diskordans er yngre enn bergartane under (med mindre berglaga har vorte snudd opp ned). Ein diskordans representerer ei tid der det ikkje vart bevart noko sediment i ein region. Den lokale registreringa for tidsintervallet manglar og geologar må nytta andre spor for å finne informasjon om den geologiske historia til området. Tidsintervallet som manglar vert kalla ein hiatus.

Kjelder

• Denne artikkelen bygger på «Unconformity» frå Wikipedia på engelsk, den 21. august 2008.
  • Wikipedia på engelsk oppgav desse kjeldene:
  • American Geological Institute. Dictionary of Geological Terms. New York: Dolphin Books, 1962.
  • U.S. Bureau of Mines Dictionary of Mining, Mineral og Related Terms published on CD-ROM in 1996.
  • Keith Montgomery (2003). «Siccar Point and Teaching the History of Geology» (pdf). University of Wisconsin. Henta 26. mars 2008. 

Sjå òg

• Diskonformitet

Bakgrunnsstoff

Commons har multimedium som gjeld: Diskordans