Tutajev

Tutajev Тутаев
Horisonten til
Plassering
Styresmakter
Land	Russland
Føderasjonssubjekt	Jaroslavl oblast
Grunnlagd	1300-talet
Geografi
Innbyggjarar  - Totalt (2008)	41 427
Koordinatar	57°53′N 39°32′E
Tidssone - Ved sommartid	MSK (UTC+3) MSD (UTC+4)
Diverse annan informasjon
Retningsnummer (tlf)	+7 48533
Nettstad: www.admtutaev.ru/

Tutajev (russisk Тута́ев) er ein by i Jaroslavl oblast i Russland med om lag 40 000 innbyggjarar.

Før 1918 heitte byen Romanov-Borisoglebsk (russisk: Рома́нов-Борисогле́бск) og før 1822, då dei vart slått saman etter ordre frå tsaren, var det to separate byar: Romanov (på høgresida av Volga) og Borisoglebsk (på venstresida). Romanov har eksistert sidan 1300-talet og Borisoglebsk sidan 1400-talet. På 1400-talet vart Romanov styrt av khanar frå Den gylne horden.

«Promenade langs Volga» målt av Boris Kustodijev i Romanov i 1907.

Mesteparten av folkesetnaden bur på høgresida av elva (det tidlegare Romanov). Områda i byen som ligg nærast høgrebreidda til Volga har mange gamle trehus og historiske bygningar (inkludert den slåande Gjenoppstandelseskatedralen), men lengre unna elva er det bustadblokker frå sovjettida som dominerer. Det er ingen bru over Volga i Tutajev, så folk må bruke ferje eller reise nord til Rybinsk eller sør til Jaroslavl for å krysse elva.

Venstresida av elva har fleire kyrkjer: Krestovozdvizjenskij-katedralen frå 1658, Kazan-Preobrazjenskijkyrkja frå 1758, Frelser-erkeengelkyrkja bygd 1746-1751, Pokrovskajakyrkja frå 1674, Tikhonkyrkja frå 1911, Blagovestsjenskkyrkja frå 1660 og Leontevskaja-Voznesenskajakyrkja frå 1795.

I Tutajev ligg Tutajev Motorfabrikk, som er ein av dei største produsentane av dieselmotorar i Russland.

Kjelder

• Delar av denne artikkelen bygger på «Tutajev» frå Wikipedia på bokmål, den 3. februar 2009.

Bakgrunnsstoff

Commons har multimedium som gjeld: Tutajev

• Tutajev Motorfabrikk Arkivert 2006-10-04 ved Wayback Machine.