Gonderic
|
Gonderic
| |
|---|---|
| Biografia | |
| Naissença | vèrs 379 |
| Decès | 428 |
| País: | Rei dels vandals asdinges |
| Epòca: | Antiquitat |
| Règne: | 407 a 428 |
| Davancièr: | Godigisel |
| Successor: | Genseric |
Gonderic (o Gunderic) foguèt un rei vandal que regnèt de 407 a 428. Es lo filh del rei Godigisel.
Entrada dins l'Empèri roman
[modificar | Modificar lo còdi]Lo 31 de decembre de 406, los vandals, amb lors aliats alans, passan lo Ren e entran dins l'Empèri roman, après de combats contra los francs. Lo rei Godigisel mòr dins l'afrontament e son filh Gonderic ven lo rei dels vandals asdinges. Traversan Gàllia, e en 409 son en Ispània[1],[2]. Dusqua 409, pilhan e saquetjan lo país.
Ocupacion d'Ispània
[modificar | Modificar lo còdi]
Ispània es partejat entre Gonderic e sos aliats. Los vandals asdinges de Gonderic ocupan lo Nòrd de Gallaecia, los sueus, lo Sud de la província, los vandals sillinges, la Betica, e los alans, la Lusitània e Cartagena[2].
Roma enveja alara, en 416, los visigòts, coma fœderati per los combatre. En 418, Walia desfa los vandals sillinges, los alans subrevivents qu'an perdut lor rei Attaces a la guèrra se plaçan jos la proteccion de Gonderic en Gallaecia. Los reis vandals portaràn d'ara endavant lo títol de rei dels vandals e desl alans[2]. La meteissa annada, Roma fa tornar Walia e sas tropas. Los visigòts tòrnan passar los Pirenèus e s'establisson en Aquitània.
Pasmens, los romans continuan la guèrra contra Gonderic qui, en 422, destrutz l'armada de Castinus venguda de Gàllia, çò que li permet d'envasir la Betica e de s'apoder de Sevilha en 427. Gonderic mòr pauc après. Son fraire Genseric ven lo rei e fa passar los vandals e los alans en Africa[3].
Referéncias
[modificar | Modificar lo còdi]Fonts
[modificar | Modificar lo còdi]- (fr) Frédéric Bey, 2019, Au Cap Bon, les Vandales volent aux Romains leur Mare Nostrum, Guerres et Histoire n°49, p. 56-60.
- (fr) François Martroye, 1907, Genséric - La conquête vandale en Afrique et la destruction de l'Empire d'Occident, Paris.
- (de) Collectiu, 1998, Der Grosse Ploetz. Die Daten-Enzyklopädie der Weltgeschichte, Komet.