Queer

Artìculu in LSC

Queer est unu fueddu sociopolìticu, impreadu dae chie sinnalat s'opressione eteronormada in sa sotziedade e in sa cultura, pro arrefudare sa partimenta traditzionale intra duas identidade de genere (mascu / fèmina) e intra is orientamentos sessuales (èterosessuale, omosessuale, bisessuale etc).

Is istùdios e is teorias queer cumpartzint un'arrefudu generale a su binarismu, a sa normatividade e sinnalant una farta de intersetzionalidade aintru de sa prus ampra comunidade "gay" o "LGBT".

Queer, in sa sa connotatzione istòrica sua, est su chi si ponet a "a foras de sas làcanas de sa sotziedade normale" e "segat sas règulas de su sessu e de su gènere".

Podet èssere impreadu poita s'ambiguidade sua cunsentit a sas persones de bessire dae is etichetas, a bortas istrintas e limitadas, cumente a “eterosessuale”, "gay", "lèsbica" o puru "transgender".