Ti Wikipédia Sunda, énsiklopédi bébas
28 Nopémber nyaéta poé ka-332 dina sataun (ka-333 dina taun kabisat) dina kalénder Gregorian, sésana 33 poé.
- 1821 – Poé kamerdékaan Panama: Panama misah ti Spanyol sarta gabung ka Gran Columbia.
- 1862 – Perang Sodara Amérika: Dina Patempuran Cane Hill, pasukan Union dina pimpinan Jéndral James G. Blunt ngéléhkeun pasukan Jéndral John Marmaduke ti Konféderasi.
- 1885 – Kameunangan Bulgaria dina Perang Sérbia-Bulgaria, ngaalatankeun Unifikasi Bulgaria jeung Rumella Wétan.
- 1895 – Balap mobil munggaran di Amérika jauhna 54 mil ti Jackson Park Chicago nepi ka Evanston, Illinois. Frank Duryea menang dina waktu kurang leuwih sapuluh jam.
- 1899 – Perang Boer Kadua: Barisan pasukan Inggris campuh ngalawan pasukan Boer dina Patempuran Leuwi Modder; najan urang Boer malundur, Inggris nandangan korban tohaga.
- 1908 – Hiji tambang ngabeledug di Marianna, Pennsylvania, nelasan 154 jalma, sarta ngan saurang nu salamet.
- 1912 – Albania nyatakeun merdéka ti Kasultanan Turki Ustmani.
- 1917 – Majelis Provinsial Éstonia nyatakeun kamerdékaan Éstonia.
- 1920 – FIDAC (The Interallied Federation of War Veterans Organisations / Féderasi Antar Sakutu Organisasi Véteran Perang), mangrupa organisasi véteran internasional munggaran, diadegkeun di Paris, Perancis.
- 1920 – Panyerangan Kilmichael: Pasukan Republik Irlandia (singk. Inggris IRA), nyerang konvoy bebekelan Inggris sarta nelasan 17 jalma.
- 1942 – Di Boston, Massachusetts, kahuruan di klub peuting Cocoanut Grove nelasan 492 jalma.
- 1943 – Perang Dunia II: Konferensi Téhéran: Présidén AS Franklin D. Roosevelt, PM Inggris Winston Churchill sarta PM Soviét Joseph Stalin masamoan di Téhéran, Iran, pikeun ngabadamikeun strategi perang.
- 1958 – Misil balistik antarbenua (singk. Inggris ICBM) SM-65 Atlas, misil munggaran nu hasil dipesatkeun, dijieun ku AS sarta asup kana golongan kulawarga rokét Atlas.
- 1960 – Mauritania merdéka ti Perancis.
- 1966 – Michel Micombero ngarugrugkeun pamaréntahan monarki Burundi sarta ngajadikeun dirina présidén nu kahiji.
- 1967 – Pulsar munggaran (PSR B1919+21, dina rasi bintang Vulpecula) katimu ku dua astronom, Jocelyn Bell Burnell jeung Antony Hewish.
- 1971 – Wasfi al-Tal, Perdana Menteri Yordania, ditelasan ku unit Black September PLO.
- 1975 – Timor Wétan nyatakeun merdéka ti Portugis.
- 1979 – Air New Zealand Flight 901, pasawat jét DC-10 nu ngapung ngaliwatan Antartika, murag di Gunung Erebus, nelasan sakabéh 257 jalma di jero kapal.
- 1980 – Operasi Morvarid dina Perang Iran – Irak, sajumlah gedé kapal perang Irak diancurkeun ku kapal perang Iran di Teluk Parsi. (Dipiéling di Iran minangka Poé Angkatan Laut).
- 1987 – Pasawat South African Airways Flight 295 murag di Samudra Hindia, nelasan kabéh 159 jalma na jero kapal.
- 1990 – PM Inggris Margaret Thatcher mundur tina kapamingpinan Partéy Konservatif, ku kituna, tina perdana menteri ogé. Manéhna digantikeun di dua posisi éta ku John Major.
- 1991 – Ossetia Kidul nyatakeun merdéka ti Georgia.
- 2002 – Pangebom bunuh diri ngajelegurkeun hotel nu Israél di Mombasa, Kenya; sedeng babaturanna gagal dina usahana muragkeun pasawat Arkia nu Pausahaan Pangapungan Israél ku misil darat udara.
- 2014 – Tukang témbak masang tilu bom di tengah masjid di Kota Kano, kaléreun Nigeria, nelasan saheunteuna 120 jalma.
- 2016 – Pasawat séwaan Avro RJ85 nu mawa 77 jalma, kaasup tim sépakbola Chapecoense, murag di deukeut Medellin, Kolumbia.
|
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
|
