Перейти к содержанию

Telegram

Википедия деп сайттан
Telegram-ның логотиви

Telegram — медеглелдер болгаш янзы-бүрү форматтарлыг медиафайлдар-биле солчур кроссплатформнуг мессенджер[1]. Android, iOS, Windows Phone, Windows, macOS болгаш GNU/Linux платформаларында Telegram-ның капсырылгазы бар[2]. Мессенджер ажыглакчыларга медеглелдер, аудио-медеглелдер, чуруктар, фото-чуруктар, биидеңнер, стикерлер болгаш кандыг-даа форматтарның файлдарын чоргузарының база аудо- биле видео-звоноктар кылырының аргазын берип турар.[3][4]

2020 чылдың апрель төнчүзүнде сервистиң ай санында активтиг ажыглакчыларының саны 400 млн чедип турган[5]. 2017 чылда августа Telegram-ның чогаадыкчызы Павел Дуров бодунуң телеграм-каналынга сервистиң ажыглакчыларының саны хүнүң-не 600 муңга көвүдеп турар деп медеглел кылган[6][7].

Romir дээр шинчилел холдингизиниң 2018 чылдың февральының медээлери-биле Россияда Telegram-ның ажыглакчылары хүнде Telegram-че ортумаа-биле 10-11 минута чарып турар. Telegram-ның популярлыының эң улуг хуузу 18-24 харлыг улуска кээп турар. Москвада ооң популярлыы арткан хоорайларга бодаарга 2 каттап улуг, ылангыя 34-44 харлыг улус аразында[8].

Төлевилелди Павел Дуров акшаландырып турар[9][10], акшаландырыышкынның чылда хемчээли 12 млн доллар[11].

Хөөрежилгелерге медеглелдер чорттурунуң ангыда, Telegram-га кызыгаарлаашкын чокка файлдар шыгжап, каналдар (микроблогтар) чорудуп, бо(о)ттар кылып ажыглап болур.

Telegram ужаш шылтыде каласаш лиеш. Тидыже пайдале лиеш, каласен колтен гын, але тудын шол: могай айдеме спойлер информаций ашнат. Ӧрдыж еҥ огыл тыгай лудын каласе, ончал смартфон (гын, конешне, те текст ончыктымо годым тудо шкетын огыл)[12]

2018 чылдың апрель 16-дан 2020 чылдың июнь 18-ке чедир Россияның девискээринге Telegram-ның ажыглаашкыны кызыгаарлаттынып турган.

Төөгү

[эдер | вики-сөзүглелди эдер]

Ук төлевилелди «ВКонтакте» дээр ниитилел четкиниң үндезилекчи Павел Дуров чогааткан. The New York Times-ка (Нью-Йоркта үнүп турар американ солун) интервью берип тургаш, Телеграмның баштайгы идеязы 2011 чылда-ла бажыының эжиинче спецназтар кээп турда келген деп чугаалаан[13]. Олар чоруптарга-ла, Дуров аккызынга ооң дугайында бижээн. Аккызы-биле харылзажыптар айыыл чок арга чок деп ынчан билген. Сервис Николайның, Дуровтуң аккызының, чогааткан MTProto дээр шифрлээшкин технологиязынга үндезилеп тургустунган[1][14]. Телеграмның боду болза Digital Fortress-тиң, Павелдиң компаниязының, MTProto-ну улуг чүдүрүглерге шенээр дээн эксперимент турган.

2013 чылда август 14-те iOS платформазынга Telegram-ның бирги клиентизи үнген.

Октябрьда төлевилелдиң веб-сайтызы ажыттынган болгаш Telegram-ның бирги официалдыг Android-версиязы бараалгаттынган[15][16].

Ноябрьда «TJournal»-дың медээлери-биле Telegram-ның кииртиишкиннериниң саны 1 миллион турган[17].

2014 чылда октябрь 15-те Telegram-че псевдонимнерниң деткимчези неметтинген, ынчангаш телефоннуң дугаарын билбейн-даа ажыглакчылар-биле харылзажып болур апарган. Веб-клиентизи ажылдап эгелээн[18].

2015 чылда январь 2-де стикерлер деткимчези неметтинген. Эгезинде капсырылгада 14 стикер турар, ажыглакчы бүрүзү оларны модификациялаар азы бодунуң стикерлерин немээр аргалыг апарган. Арткан мессенджерлерден ангыда, Telegram-да стикерлер долузу-биле халас[19].

2016 чылда февральда Павел Дуров мессенджерни 100 миллион кижи ажыглап турар, оон ангыда сервис хүннүң-не 15 миллиард медеглел дамчыдып турар деп чарлаан. 2015 чылда сентябрьда Telegram хүнде 12 миллиард чагаа чорудуп турган[20].

2016 чылда майда медеглелдерни эдериниң аргазы тыптып келген. Чагааны чорутканындан бээр өскертилгелерни 2 хонук иштинде киирип болур, медеглелге тускай демдек тыптып кээр[21].

2016 чылда ноябрь 22-де Telegraph дээр проект ажылдап үнген. Telegraph — блог-платформа; публикациялар кылыр, чуруктар салыр арга берип турар халас херексел.

2017 чылда январь 3-те болбаазырадыкчыларның бирээзи медеглелдерни балаарының аргазын немээн[22]. Чорудукчу медеглелди балаан соонда хүлээкчи ону көрүп шыдавас.

2017 чылда май 16-да Telegram-ның администрациязы Россияның күрүне органнарынга ажыглакчыларнының дугайында информацияны Telegram бербес деп чарлаан[23].

2017 чылда июнь 28-те Роскомнадзор Telegram-ны «Информация тарадыкчыларының реестиринче» киирген[24].

2017 чылда сентябрь 27-де Дуров ФСБ шифрлээн чагааларны номчуур арганың дугайында информацияны бээрин негээн деп медеглел кылган[25].

2017 чылда октябрь 11-де Android биле iOS-ка translations.telegram.org дээр чаа платформа дузазы-биле белеткээн орус дыл кырында версиязы үнген. Ынчангаш, медиаплеерниң даштыкы хевири өскерилген болгаш геопозиция-биле үлежир арга тыптып келген[26].

2017 чылда октябрь 16-да Москваның Мещанский районунуң суду мессенджерни ажыглап турар алды телефон дугаарынга хамаарыштыр шифрлээн чагааларны номчуур информацияны ФСБ-ге бээринден ойталаан дээш Telegram-ны 800 муң рубль торгалага онаан[27]. Ол таварылга дугайында комментарий берип тургаш, Дуров ФСБ-ниң негелделери РФ-тиң Конституциязынга чөрүшкек деп санааш, ол айтырыг-биле ажылдаксап турар юристерни харылзажыптар кылдыр дилээн[28].

2017 чылда ноябрьда бир Telegram-канал аудио-пират чорук дээш блоктаттынган[29].

2018 чылда март 20-де Россияның Дээди суду ФСБ-ниң негелделери хоойлуга дүгжүп турар деп хүлээн[30]. Ол-ла хүнде Роскомнадзор Telegram 15 хонук иштинде шифрни ажыдар дүлгүүрлерни ФСБ-ге тыпсып бербес болза, Telegram Россияның девискээринге блоктаттына бээр деп ону медээлээн.[31]. Мессенджерниң чогаадыкчызы шифрни ажыдар арганы тыпсырын ойталаан[32].

Тайылбыр

[эдер | вики-сөзүглелди эдер]
  1. ↑ 1,0 1,1 Telegram: новый мессенджер от Павла Дурова // Slon.ru, Юрий Болотов, Aug 23, 2013
  2. ↑ Список приложений Telegram (6 February 2014).
  3. ↑ Telegrame ссылкӑна мӗнле тумалла? Archived 2021-06-06 at the Wayback Machine
  4. ↑ Молан тыгай Telegram, кузе тудым кучылташ, тудо мо кӱлеш, тудын ойыртемже да бизнес
  5. ↑ Аудитория Telegram достигла 400 млн человек
  6. ↑ Durov's Channel. Telegram. Хынааны 2020 Үш айның 18.
  7. ↑ Павел Дуров: Каждый день аудитория Telegram увеличивается на 600 тысяч человек, Inc. (2017-08-02). Хынаан 10 Он айның 2017.
  8. ↑ Определена основная аудитория Telegram в России (орус). Хынаан 13 Февраль 2018.
  9. ↑ Сергей Лютых. Телеграмм нашего времени, Лента.ру (2015-04-06). Хынаан 12 Дөрт айның 2015. «… сейчас Telegram Дуров поддерживает из своего кармана.».
  10. ↑ «Pavel Durov, …, supplied Telegram with a generous donation through his Digital Fortress fund, so we have quite enough money for the time being.»
  11. ↑ Как Павел Дуров заработает на бесплатном Telegram, ДП (2015-09-22). Хынаан 16 Он бир айның 2015. «содержание мессенджера обходится ему в $12 млн ежегодно».
  12. ↑ Шолып каласем Telegram
  13. ↑ Дуров: «Я задумался о своём будущем в России, когда к двери пришёл спецназ», TJournal, The New-York Times (2014-12-02). Хынаан 5 Он ийи айның 2014. Archived 2015-05-22 at the Wayback Machine
  14. ↑ Американская компания Павла Дурова запустила мессенджер для смартфонов Telegram. Этот проект никак не связан со «В контакте» // Роман Дорохов, Vedomosti.ru, 15.08.2013
  15. ↑ Мессенджер Павла Дурова шифрует переписку так, что её не могут прочитать спецслужбы, Ведомости (2013-10-24). Хынаан 29 Он айның 2013.
  16. ↑ В Telegram появилась функция самоуничтожения сообщений (2013-10-22). Хынаан 29 Он айның 2013. Archived 2015-07-14 at the Wayback Machine
  17. ↑ WhatsApp Lost to Telegram in Uzbekistan, RBTH (2013-11-19). Хынаан 23 Он бир айның 2013.
  18. ↑ #Telegram now has an official web client! And it supports our new usernames. // Twitter-канал Telegram
  19. ↑ Кто есть кто на стикерах Telegram
  20. ↑ Число пользователей Telegram превысило 100 миллионов человек | РИА Новости
  21. ↑ Ъ-Новости — В Telegram появилась возможность редактировать сообщения
  22. ↑ Unsend Messages, Network Usage, and More. Telegram. Хынааны 2017 Алды айның 25.
  23. ↑ Telegram отказался предоставлять информацию российским госорганам // Коммерсантъ. — 2017-05-16.
  24. ↑ Telegram внесли в реестр Роскомнадзора
  25. ↑ ФСБ потребовала расшифровать сообщения в телеграме по «закону Яровой», Meduza (2017-09-27). Хынаан 27 Тос айның 2017.
  26. ↑ Илья Сахаров. В обновлённой версии Telegram появился русский язык. Комсомольская правда (2017-10-11). Хынааны 2017 Он айның 11.
  27. ↑ Алексей Грязев. Telegram: сначала штраф, затем блокировка. Газета.ru (2017-10-16). Хынааны 2017 Он айның 16.
  28. ↑ Дуров: Требования ФСБ по Telegram противоречат Конституции РФ. RuNews24.ru. runews24.ru (2017-10-16).
  29. ↑ TELEGRAM‐КАНАЛ ВПЕРВЫЕ ЗАБЛОКИРОВАЛИ ЗА АУДИОПИРАТСТВО. 360tv.ru. Хынааны 2017 Он бир айның 22.
  30. ↑ Чумаков, Николай. Верховный суд признал законным требование ФСБ предоставить ключи для расшифровки переписки Telegram, TJ (2018-03-20). Хынаан 20 Үш айның 2018. Archived 2018-03-20 at the Wayback Machine
  31. ↑ Роскомнадзор уведомил Telegram о необходимости исполнения требований закона о предоставлении информации органам безопасности. rkn.gov.ru. Хынааны 2018 Үш айның 20. Archived 2018-03-20 at the Wayback Machine
  32. ↑ Чумаков, Николай. Дуров заявил об отказе выдавать ФСБ ключи шифрования переписки в Telegram, TJ (2018-03-20). Хынаан 20 Үш айның 2018. Archived 2018-03-20 at the Wayback Machine
Дөзү – «https://tyv.wikipedia.org/w/index.php?title=Telegram&oldid=48056»