Товуслар
Товуслар (Паво) — товуқсимонлар туркуми, қирғовуллар оиласига мансуб қушлар уруғи. 2 тури бор. Оддий Т. танасининг уз. 100—125 см, думи 1,5 см гача. Оғирлиги 4—4,2 кг. Боши, бўйни ва кўкрагининг бир қисми яшил, орқаси кўк, танасининг ости қора. Ҳиндистон ва Шри Ланкада тарқалган. Ўрмоннинг бутазорли қисмини хуш кўради. Уясини ерда чукурча шаклида ясайди. 4—7 та тухум қўйиб, урғочиси 30 кун босади. Яшил канотли Т. Ҳиндихитой ва Индонезияда тарқалган. Бутазорлар, даре қирғоқлари ва бошқа ерларда яшайди. Т. ўсимлик, ҳашарот ва майда умуртқалилар билан озиқланади. Гўшти мазали. Оддий Т. тутқунликдаяхши кўпаяди. Т. товуқсимонларнинг йирик, чиройли ва жозибадор вакилларидан; ҳайвонот боғларида боқилади.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 |