Buteo buteo

*Buteo buteo*
	; Buteo buteo buteo (it)
Dati
Speransa de vita	10 anini
Pezo	0,925 kg ; 60 g ; 790 g ; 966,5 g
Invergadura	1,24 m
Grandesa fiołada	2,8
Perìodo incubasion de l'ovo	34 dìi
Stato de conservasion
	Ris-cio mìnemo
UICN	61695117
Tasonomia
Clase	Aves
Órdene	Accipitriformes
Fameja	Accipitridae
Zènare	Buteo
Spece	Buteo buteo; (L., 1758)
Nomenclatura
Protònemo	Falco buteo
Distribusion
	; Distribusion del oselas: le aree verde scure le indica le zone aonde che al oselas al viu tut al an, quele verde ciare e blu le zone de distribusion estiva e invernal.

Al oselas (Buteo buteo, Linnaeus 1758) o pojana, al ze an osel da preda tipico de l'Europa. Al ga na longhesa tipica tra i 51 e i 57 schei co na verta de ale da i 110 a i 130 cm, rendendolo an predator de mèdie dimension. Al so habitat al quata la gran part de la Europa e al se sìestende in Asia. Al viu ten tute le zone fora che ten quele pì frede. In todesco se dixe Mäusebussard, in inglexe common buzzard, in tałjan poiana.

Al frequenta pì che sia bosch, ma al va a casa te i teritori verti. Al magna mamiferi pisoi, bisse e pite. Se al ze ciapà da la fan al magna anca animai morti.

Par al passà i oselas i ze stati tra i osei pì pì invelenadi e che se ghe ga dat de pì la casa proprio parchè i ciapea le pite e altri animai mesteghi. Dess i gnen proteti da la leje e i ze drio a ingenerarse senpre de pì.

De solito no i se mou mai in grupo ma i pol esser visti insieme durante qualche migrasion o 'te un bon habitat. Al scritor vitorian William Crossing al diss de erghen vist ten serti posti grupi de 15 o pì tanti ancora.

Al richiamo al ze un querulo pii-eeh.

Morfołozia

Al ze an rapace de sagoma conpata co ale grande e arotondade e na coda pitost curta. Al color al ze maron scur par sora e variabile par sot; de solito la superficie inferjor de le ale la ze maron e an stciantenin striada de negro co na macia scura su el polso e area ciara sfumada in mes, e la coda la ga tante strisse fin e negre. Co el vola la testa la par incassada te le spale e le ale le gnen ceneste al pel rialsade (profilo frontal a "V" verta).

Riprodusion

Al oselas al fa sù an unico nit su alberi o su crode. La mastcia de solito la fa 2 o 3 ovi (qualche olta 1 o 4) te el nit tra mars e zugno. I ovi i ze bianchi co mace bise o negre. La coa la dura de solito 34 dì, e se alterna al mastcio e la mastcia. I cei i sta te el nit par i 40-50 dì che gnen dopo.^[1]

Ecołozia

Al oselas al ze an genere poco esigente. Al sta ben te le siese de la canpagna in modo da er zone co na prevalensa de alberi aonde far i nit e una co na prevalensa de pra aonde ndar a casa. Inte le rejon montagnoze come la Val d'Aosta al fa al nit da spess anca te i cogoi, restando comunque entro te el limite dei bosch.

Conportamento

Le esigense ecologiche limitade le lo rende al rapace diurno che se cata pì da spess su le Alpi a quote medio-basse, co teritori de riprodusion grandi anca solche pochi chilometri quadri. Se el cata da spess apostà su pai o alberi isoladi da i quai al ghe tende a le prede. Al sa sfrutar le corenti assensionai roteando par diverso tenpo sensa bater le lae. I voli teritoriai i ze caraterizadi da na alternansa de pichiade a ale semi-ciuse e risalite svelte.

Specie che le ghe someja

Al Pernis apivorus, presente in Itàlia solche da majo a setenber, al se diferensia dal oselas par le ale e la coda na s-cianta pì longhe e par la testa cea. In volo le ale le gnen ceneste orizontai. Al color al ze variabile, ma la coda la ga senper 2-3 bande basai e una terminal scure.
Al magna inseti grandi e par la gran part imenoteri sociai (al scava al teren par catar i nit de vespe e moscoi), pì raramente de vertebradi de dimension pisole.