Berners-Li Tim
| Berners-Li Tim | |
| angl.: Tim Berners-Lee | |
 Tim Berners-Li «Campus Party Brasil»-aigtegol, vn 2009 sulaku | |
| nimi sündundan jäl'ghe: |
angl.: Timothy John Berners-Lee |
|---|---|
| radmižen toižend: |
informaatik, fizikanmez', programmeerija, õppejõud, web developer, insener, leiutaja |
| sündundan dat: |
8. kezaku 1955 |
| sündundan sijaduz: |
London, Londoni krahvkond[d], Sur' Britanii[[:de:s:Brockhaus_Enzyklopädie|Brockhaus_Enzyklopädie]] |
| valdkund: |
|
| tat: | |
| mam: | |
| sait: | |
 Berners-Li Tim VikiAitas | |
Om sädusid VikiPurtkiš  | |
Timoti Džon Berners-Li-ižand (angl.: Sir Timothy John «Tim» Berners-Lee; sünd. 8. kezaku 1955, London, Sur' Britanii) om britanine tedomez' IT-sarakos. Hän om URL-sisteman, HTTP-protokolan i HTML-kelen melestegii, Mail'man hämähoukunverkon sädai (ühtes Robert Kajonke, 1989) i sen konsorciuman (vspäi 1994) ezmäine da nügüdläine pämez'. «Semantine hämähoukunverk»-koncepcijan tegii.
Tedomehen päine kirj om «Kuvaten hämähoukunverkod: Mail'man hämähoukunverkon augud i tulii aig» (angl. Weaving the Web: Origins and Future of the World Wide Web, Texere Publishing, 1999, ISBN 0-7528-2090-7). Siš hän starinoičeb Hämähoukunverkon sädamižes, koncepcijas, ozutab ičeze kacegid Internetan šingoteshe. Avtor pagižeb neniš tezisoiš:
- Voimuz koheta Hämähoukunverkon informacijad om tärged mugažo, kut serfingan-ki voind sidme. Tegii lugeb WYSIWYG-tehnologijad (se-žo virtualine redaktor) päižeks, hot' verkon Wiki-saitad oma oiged hašk.
- Voib kävutada kompjuteroid «tagamaižiden processiden» täht, ned abutižiba ristituile rata ühtes.
- Internetan kaikuččele aspektale piidab rata hämähoukunverkon kartte, eile ijerarhijan. Sikš domennimiden sistem (DNS — angl.: Domain Name System) om vastmel'ne erind, ICANN-organizacii ohjastab sidä.
- Kompjutertedomehed pidadas moral'vastust tehnižen vastusen ližaks.
Timotin kazvatajad oma Konuei Berners-Li i Meri Li Vuds, hö radoiba matematikantedomehil i ühtniba «Mark I»-kompjuteran sädandha. Berners-Li sai fizikantedomehen arvod Oksfordan universitetas vl 1976, radoi telekommunikacijoiden sarakos, sid' programistan. Tedomez' om nainu, kaks' last.
