Kokemägi

Kokemägi
Kokemäki (suom.)
Kumo (roč.)
	Lidnanznam;
Valdkund	Suomenma
Eläjiden lugu (2024)	6,699 ristitud
Pind	531,26 km²
Pämez'	Teemu Nieminen; (tal'vku 2020—)
Telefonkod	+358-
Aigvö	tal'vel UTC+2,; kezal UTC+3

Lidnankundan sijaduz agjas i valdkundas (2020)

Kokemägi (suom.: Kokemäki [ˈkokeˌmæki], roč.: Kumo) om Suomenman lidn da lidnankund valdkundan suvipäivlaskmas. Mülüb Sadakund-agjaha, sen kudenz' lidnankund seičemespäi eläjiden lugun mödhe.

Istorii

Jumalanpertin tulend mainitase vspäi 1324. Municipalitetan aluz om pandud vl 1869. Ühtištadihe Kauvac-küläkundad (suom.: Kauvatsa) senke vl 1969. Kätihe municipalitetad lidnanvuiččeks (kauppala) vl 1972, anttihe lidnan statusad (kaupunki) vl 1977.

Kokemägi šingotase täuziden metalližtegesiden pästandal («Lehtosen Konepaja Oy»), metallan valamižel («Peiron Oy»), trahmalan tegimel («Finnamyl») kartohkaspäi i Kolsi-gidroelektrostancijal.

Geografijan andmused

Lidn sijadase agjan suvipäivnouzmas, Kokemäenjogen hural randal tobjimalaz (suom.: Kokemäenjoki, roč.: Kumo älv).

Matkad agjan Pori-keskushesai om 39 km lodeheze orhal, 44 km avtotedme vai raudtedme, Hel'sinki-pälidnhasai om 185 km suvipäivnouzmha orhal, 205 km avtotedme vai raudtedme. Toižed lähembaižed lidnad (avtoteidme) oma Harjavalt 14 km lodeheze, Huttinen 20 km päivnouzmha-suvipäivnouzmha i Sastamal (Pirkanma) 48 km päivnouzmha-pohjoižpäivnouzmha. Raudtestancii radab koumes kilometras päivlaskmha lidnan keskusespäi «Tampereh — Pori»-keskustal. Toine raudtesarak ühtenzoitab Raumanke 55 km päivlaskmha-suvipäivlaskmha.

Vn 2022 andmusiden mödhe lidnankundan pind om 531,26 km², sidä kesken kuivma — 480,41 km², vezi da sokaz tahond ottas kümnendest (50,85 km²).

Tobmuz

Kokemägin municipaline suim kogoneb 27 ezitajaspäi.

Edeližed lidnan pämehed oma Nina Kivi (eloku 2018 — sügüz'ku 2020), Reijo Siltala (eloku 2014 — heinku 2018).

Eläjad

Vl 1980 lidnankundan eläjiden lugu oli 9 869 ristitud (kaikiš suremb ristitišt vspäi 1980), vl 2000 — 8 714 ristitud, vl 2010 — 7 987 ristitud, vl 2020 — 7 108 ristitud. Koume ristitud videspäi elädas lidnankundan keskuses, sen nimituz om Tulkkil (suom.: Tulkkila).

Mamankelen mödhe (2016): suomen kel' — 97,2 %, ročin kel' — 0,2 %, toižed keled — 2,6 %.