tchet

Walon (Rifondou)

Etimolodjeye

Tayon-bodje latén « cattus » (minme sinse).

Prononçaedje

• AFE :
  • diferins prononçaedjes :
    • /t͡ʃɛ/ /t͡ʃa/ (cåzu k’ deus prononçaedjes)
    • (pa picårdijhaedje) /ka/
  • prononçaedje zero-cnoxheu : /t͡ʃɛ/
• Ricepeures : nén rcepåve

Sustantif

	singulî	pluriyal
omrin	tchet	tchets
femrin	cate	cates
	tchete	tchetes

tchet omrin

1. (no d’ biesse ås tetes) pitite biesse ås tetes magneuse di tchå del famile des tchetidîs, ki l’ sincieus no, c’ est : Catus domesticus, ki vike amon les djins eyet magnî des soris.
   • Li tchet n’ såreut moussî la, et surmint nén ene djin s’ î muchî.
   • La l’ tchet sôté sol gayole k’ est sol dresse, et la ttafwait ki berôle. — Pierre-Joseph Dosimont (fråze rifondowe).
   • Les poyes gretèt so l’ ansinî ; so ç’ tins la, li tchet, ruzé potince, va prinde des oûs didins les nis. — O. Lacroix (fråze rifondowe).
2. pitite mwinre må-crexhante biesse.
   • Vos vôriz co rsognî ç’ tchet la !

Ratourneures

1. tchet d’ cindes: tchet d’ måjhon ki dmoréve so les cindes do feu a l’ asse.
   • Li rnåd s’ leyive caressî come on vî tchet d’ cindes. — Émile Pècheur (fråze rifondowe).
2. c’ est l’ moumint des tchets : c’ est l’ råwe.
3. oujhea pol tchet, moxhon pol tchet
4. tchet muchî : djeu d’ efant, wice k’ i gn a onk ki s’ va catchî, eyet ls ôtes cweri après lu.
   • Pormoennåde des amoureus : codowès fleurs, fessêyès corones, djouwer å tchet muchyî. — R. Honoré (fråze rifondowe).

   Loukîz a : catchî. F. cache-cache.

5. gn a nén on tchet: gn a nolu.
6. li cawe di nosse tchet a bén vnou
7. ci n’ est nén a on vî tchet k’ on aprind a haper des soris
8. tchet d’ après l’ Sint-Djhan
9. come tchén et tchet, tchén et tchet
10. on comprind bén minou sins dire no tchet
11. ttossu fén k’ on gris tchet
12. les efants d’ tchet, c’ est leu gosse, des soris
13. fé s’ tchet
14. i n’ fåt nén dispierter l’ tchet ki doime
15. aveur on tchet e gozî
16. on tchet piede ses poys, et djamåy ses manires
17. a vî tchet, djonne soris
18. les prumîs tchets, on les neye
19. manire di tchet
    • Ele wèsta ses wants po beûre. Èt èle buvéve doûç’mint, li p’tit deût levé è hôt, avou dès manîres di tchèt— Jean-François Renkin, On dimègne, 1896.

Parintaedje

• tchetidî

Mots d’ aplacaedje

• djonne di tchet
• bråye-di-tchet, cawe-di-tchet, stron-d’-tchet
• Tchefosse
• tchecawe
• tchafô, tchet-houwant

Dizotrins mots

• tchete, miråwe, minete, marou, marcåd, minou, minousse, djonne di tchet
• råwe, gnåwer

Rilomêye do mot

Li mot dins on tite di live, di gazete, di soce, di marke

• Sori pol tchet (Soris poul tchat) : tite d’ ene sitroete plake da Mimile et les bribeus d’ toubak.

Omofoneye possibe

• Cha (d’ Iran)

Ortografeyes

Divant 1900 :

• chet : E177, E203 ^(lére), E212 ^(lére)
• tchet : C9a ^(lére)

Après 1900, foû rfondou (Feller, Feller ricandjî, nén Feller) :

• tchèt : C1, C8, C9, E1, E212b, S0
• tcha : O4
• tchat : O0, O3

E rfondou walon :

• tchet : R10 ^(lére), R11 ^(lére), R13

Ratournaedjes

Catus domesticus

• Arabe : قط ^(ar) = قِطّ =‎ qiTT
• Arabe marokin : مش ^(ary) = مشّ =‎ mechch; qe66 (qeTT) =‎ قط = قطّ
• Almand : Katze ^(de)
• Inglès : cat ^(en)
• Espagnol : gato ^(es)
• Francès : chat ^(fr)
• Izlandès : köttur ^(is)
• Djaponès : 猫 ^(ja) (ねこ, neko)
• Gåmès : tchat
• Maltès : qattus ^(mt)
• Neyerlandès : kat ^(nl)
• Picård : cat ^(pcd)
• Kimon amazir marokin : ⴰⵎⵓⵛⵛ ^(zgh) =‎ amochch

Waitîz eto

Lijhoz l’ årtike tchet so Wikipedia