Adel Imam
Adil Imam (on scrît eto Adel Emam; arabe عادل إمام), c' est èn acteur edjipsyin k' a skepyî li 17 di may 1946 å Caire.
C' est onk des pus grands acteurs edjipsyins di tos les tins.
Dins ses roles comikes, i fwait sovint l' fô, et toumer roed bleu sot del pus bele des actresses do fime.
Mins i mostere ossu do doet l' abribance et l' integrisse tot s' endè fotant.
C' est ene sacwè, ca c' est råle e l' Edjipe di oizeur fé des fimes avou des sudjets politikes (come «li pårlî»).
Dins «Bildigne Yacoubian», on oize mostrer l' omosessuwalité, ene sacwè tabou dins l'cinema arabe. Mins li fime a stî foirt cinsuré divant d' poleur passer so les tévés del Gofe arabike.
Ene des cwalités k' on ricnoxhe voltî al djin, c' est di n' nén fé do grandiveus dins les gazetes et so les tévés, come bråmint des pareys a lu. Portant, divant les fimreces, i s' dene todi les pus beas des roles, aprume li ci do bea ome ki l' pus bele glawene do fime va vey voltî al fén. Minme s' i gn a ene grande diferince d' ådje !
Sacwants d' ses pus rlomés fimes
[candjî | candjî l’ côde wiki]- Ana wa houwa wa hiya (Mi et lu et leye, 1964).
- Kayfa tesraq milyionir (Kimint haper les cwårs d' on miyonaire, 1968).
- Ana l-doctor (C' est mi l' docteur, 1968).
- Imarat Yaaqoubiane (Bildigne Yacoubiane, diviè 2005)
- Morgane Ahmad Morgane (Morgane Ahmad Morgane, c' est l' gros boss d' ene societé d' comiece; diviè 2007).
- Es-sifara fi l-imara (l' ambassade dins l' minme bildigne, la k' i dvént vijhén di l' ambassade d' Israyel e l' Edjipe; diviè 2004).
- Al irhabi (li terorisse)
- El Nawm fi l-aassal (doirmi dins del låme).
- L-abocato (li pårlî)
