封面
外观
时新图文
吴语是从上古汉语里头分化出来个,但是渠绝大多数个特点搭中古汉语是一脉相承个。从语音浪分析,吴语个声母、介音搭仔韵母侪有邪气多个特点与中古汉语密切相关。
吴语个声母顶大个特点是保留仔中古汉语个全浊音(譬如“大”“从”“期”该些字个声母),而与全清、次清鼎立,另外典型个吴语基本浪侪完整保留仔中古汉语个疑母鼻音,该两点也是吴语区别于另外各支汉语个重要特点。
中古汉语一塌刮子有八种介音(四个等与开合口个组合)。绝大多数现代吴语个介音已经简化成与四呼(开口、合口、齐齿、撮口)哉,有些场许嗰吴语(譬如杭州、义乌)会得有一两个另外嗰介音,但是该种介音只好同少数特定嗰声母搭韵母搭配,弗影响主流个四呼格局;湖州、苏沪部份郊县呒没撮口呼,个了实际浪只有三呼。中古介音对吴语语音(尤其是韵母)个演变有邪气大个影响。
吴语里向韵母个变化情况比较复杂。>>阅读全文