Köönigin Anne vo Groossbritannie

D Köönigin Anne, kolorierte Stich us eme Atlas, wo für e August dr Stark 1706–1710 gmacht worde isch.

D Anne Stuart (* 6. Februar^jul./16. Februar^greg. 1665 im St. James’s Palace z London; † 1. August^jul./12. August^greg. 1714 im Kensington Palace, London) isch vo 1702 bis 1707 Köönigin vo Ängland und Schottland gsi und vo 1702 bis 1714 au Köönigin vo Irland. Am 1. Mai 1707 isch d Anne die ersti Herrscherin über Groossbritannie worde, wo Ängland und Schottland mit em Act of Union sich zu äim Köönigriich veräinigt häi. D Anne isch die letschti britischi Köönigin us em Huus vo de Stuarts gsi. Dr Georg I., wo dank em Act of Settlement iire Noochfolger uf em Droon het chönne wärde, het zum Huus Braunschweig-Lüneburg ghöört.

D Anne het sich kuum um d Regierigsgschäft kümmeret. Wääred iirer Herschaft het sich s britische Kabinettssüsteem afo entwiggle. Im Spanische Erbfolgchrieg isch Groossbritannie Mitgliid in dr antifranzöösische Haager Groosse Allianz gsi. Ängland het e wirtschaftligi und kulturelli Blüetzit erläbt. Mit em Sonderfriide vo Utrecht het Groossbritannie 1713 d Haager Allianz verloo, und aagfange sich uf en Usbau vom britische Empire afo konzentriere.

Litratuur

• Alexander Gauland: Das Haus Windsor. Siedler Verlag, Berlin 1996, ISBN 3-88680-534-4.
• Ulrike Jordan: Anna (1702–1714). In: Peter Wende (Hrsg.); Englische Könige und Königinnen. C. H. Beck, München 1998, ISBN 3-406-43391-X.
• Winston Churchill: Geschichte. Band III. Das Zeitalter der Revolutionen. Scherz & Coverts Verlag, Stuttgart 1957.
• Anne, Queen. In: Encyclopædia Britannica. 11. Auflage, Cambridge University Press, London 1911.
• Marita A. Panzer: Englands Königinnen. Von den Tudors zu den Windsors. Piper Verlag, München 2003, ISBN 3-492-23682-0.
• Eugène Scribe: Das Glas Wasser. Lustspiel in fünf Akten. 1840.
• David Brontë Green: Queen Anne, Scribner, New York 1971.

Weblingg

 Commons: Anna (Großbritannien) – Sammlig vo Multimediadateie

• Ardikel in dr Classic Encyclopedia (änglisch)
• William Courthope: Debrett's complete peerage of the United Kingdom of Great Britain and Ireland (Site cha nüme abgrüeft wärde; Suche im Webarchiv)[1] [2] Vorlage:Toter Link/books.google.no, London 1838, Seite LXIV (englisch)
• The London Gazette, Nr. 5247, 31. Juli–3. August 1714, Site 1 (änglisch)
• The London Gazette, Nr. 3623, 29. Juli–1. August 1700, Site 2 (änglisch)
• Queen Anne's children, Notes and Queries, Volume s3-X, Heft 239, 28. Juli 1866, Seiten 65–66
• Tripota – Trierer Porträtdatenbank

Vorgänger	Amt	Nochfolger
Wilhelm III./II./I.	Köönigin vo Ängland 1702–1707	zämmegfüert
	Köönigin vo Schottland 1702–1707
	Köönigin vo Irland 1702–1714	Georg I.
Nöije Ditel	Köönigin vo Groossbritannie 1707–1714

Dä Artikel basiert uff ere fräie Übersetzig vum Artikel „Anne_(Großbritannien)“ vu de dütsche Wikipedia. E Liste vu de Autore un Versione isch do z finde.