Buteo buteo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esparvero común
Eixemplar adulto d'esparvero común (Buteo buteo)
Estato de conservación
Seguro.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Accipitriformes Familia: Accipitridae Chenero: Buteo Especie: B. buteo
Nomenclatura binominal
Buteo buteo
Linnaeus, 1758
Verde claro: Estiu. Verde fosco: Tot l'anyo. Azul: Hibierno.

O esparver/o común (Buteo buteo (L., 1758)), tamién dito localment falcón ratonero u falcón d'os postes (anque no ye un verdader falcón), ye un ave de presa d'a familia Accipitridae de mida meyana (51–57 cm de lonchitut, y 110–130 cm d'amplaria d'alas) que habita por tot una ampla marguin de territorios d'Europa occidental dica Asia. Ye la especie tipo d'o suyo chenero, Buteo, a demás d'estar una d'as aves rapinyaderas mas frecuents d'Europa.

As zonas en do se troben fincas obiertas gosan ser un buen hábitat ta ista especie, encara que s'estima mas os puestos d'os cuals se troben arbolaus u corroldos d'árbols prou a man. Tiene predilección por a nidificación a l'alto d'árbols que faigan parte d'una selva u bosquillón menimo, y no pas por os árbols anisolatos como sí que la i tienen as grans rapaces. Ye un ave cazadera d'animals chicoz, como chordes, langardachos, paixaros y altros vertebraus, anque de tanto en tanto se'n i puede veyer fendo mincha d'os carnuzos albandonaus.

Ista especie tiene una variación de colors muit mas ampla que no altras especies de rapinyaderas, y por ixo a sobén s'entivoca con os caracters de bellas altras especies d'aves d'a familia como l'azor (Accipiter gentilis) u o esparvero calzau (Buteo lagopus). Por un regular, a o uello d'un inexperto, a millor manera de saber que se tracta d'iste animal cuan se'n vei un ye por a color d'a suya cara, mas fosca que no en l'azor, y con a francha fosca d'a redol d'os uellos mas difusa en a color cheneral d'a cara que no en altras aus de presa. En volido, a coda arrondolada fa que sigan clarament diferenciables d'os suyos parients os alforochos d'o chenero Milvus.

O reclamo ye caracteristico, y se pareix a'l miular d'os gatos domesticos.

Imáchens

• 
• 
  Volido dende debaixo. Se veigan as marcas claras de debaixo d'as alas que son caracteristicas.
• 
• 
• 
  Eixemplar de pigmentación fosca
• 
  Eixemplar de pigmentación mas clareta
• 
  Pollez
• 
  En tierra
• 
  Museum specimen

Vinclos externos

• Wikispecies tiene un articlo sobre Buteo buteo.
• Se veigan as imáchens de Commons sobre o esparvero común.

• Datos: Q25385
• Multimedia: Buteo buteo / Q25385
• Especies: Buteo buteo