Kendo

Kendo
(剣道)
	Combate de kendo
País d'orixe	Xapón
Fundador	Atribuíu a Naganuma Sirōzaemon Kunisato
Paternidá	Kenjutsu
Deporte olímpicu	Non
Sitiu oficial	http://www.kendo-fik.org/

Kendo (剣道, kendō), col significáu de "vía de la espada", ye un Gendai Budo basáu na esgrima xaponesa. Ye una evolución emparentada col arte del kenjutsu, y los sos exercicios y práutica anicien de delles escueles concretes d'esgrima. La principal influencia téunica nel so desendolcu foi la escuela Itto-ryu de kenjutsu (fundada contra'l sieglu XVI d.C.), cola so filosofía central al rodiu del conceutu de que tolos golpes n'esgrima xiren sobre la téunica kiri-oroshi (cortada vertical p'abaxo). La forma moderna de kendo empecipió realmente a desendolcase cola introducción, por Naganuma Sirozaemon Kunisato (1688-1767), de les espaes de bambú llamaes shinai y el conxuntu de pieces llixeres d'armadura de madera llamáu bogu, que permitieron la práutica de golpes con potencia y velocidá plenes ensin riesgu de mancar a los competidores.

Anguaño cuasi tola práutica del kendo moderno ta gobernada pola Zen Nippon Kendo Renmei (Federación de Kendo de Tou Xapón), fundada nel 1951. Les competiciones xúlguense por puntos, declarándose ganador al primer competidor qu'algame dos puntos sobre’l so oponente. Un puntu pue algamase con un golpe trunfante y correutamente executáu a cualesquiera d'estos oxetivos: gargüelu, altu la cabeza, llaos de la cabeza, llaos del cuerpu, o antebrazos. Los prauticantes tamién compiten en competiciones de formes (kata), usando espaes de madera o de metal embotao, d'acordies cola riestra de formes promulgaes pola ZNKR.

Referencies

Enllaces esternos

Federación Internacional de Kendo Archiváu 2014-10-08 en Wayback Machine
KendoTournament v.90 Programa de xestión pa les lligues de Kendo.
The Movies of KENDO TV2ne1 Official Channel YouTube