Parken Stadion

Parken Stadion
	Parken (da)
	estadiu de fútbol
Llocalización
País	Reinu de Dinamarca
Estáu federáu	Dinamarca
Rexón alministrativa	Rexón Capital
Conceyu	Copenḥague
Direición	Per Henrik Lings Allé (es) , 2
Coordenaes	55°42′09″N 12°34′20″E / 55.70247°N 12.5722°E
	Parken Stadion Parken Stadion (Dinamarca)
Historia y usu
Apertura	9 setiembre 1992
Dueñu	Parken Sport & Entertainment (en)
Deporte	fútbol
Usuariu	FC Copenhague
Aforu	38 065
Categoría UEFA	Categoría 4
	Web oficial

El Parken Stadion (por razones de patrociniu llamáu Telia Parken) ye un estadiu de fútbol allugáu nel distritu de Indre Østerbro na ciudá de Copenḥague, capital de Dinamarca. La cortil inaugurada en 1992 tien una capacidá pa 38,065 persones. Acoyó partíos de la UEFA y FIFA.

Historia

El Parken Stadion foi construyíu nel mesmu llugar onde tuvo l'estadiu nacional de Dinamarca, Idrætsparken, ente 1990 y 1992. El postreru partíu oficial de la seleición nacional en Idrætsparken foi nes eliminatories de la Eurocopa 1992, nel partíu que perdió 0-2 contra Yugoslavia el 14 de payares de 1990. El 9 de setiembre de 1992 realizóse un partíu amistosu contra Alemaña y perdió por 1–2.

L'estadiu foi reconstruyíu pola compañía Baltica Finans A/S garantizando a la Unión Danesa de Fútbol, que tolos partíos nacionales seríen xugaos en Parken siquier polos próximos 15 años. Tola reconstrucción costó 640 millones de corones daneses.

En 1998, Baltica Finans vendió l'estadiu al club FC Copenḥague por DKK 138 millones, y el club agora ye propietariu del estadiu y les instalaciones axacentes.

Parken foi incluyíu na llista d'estadios 4 estrelles de la UEFA na seronda de 1993, dexando que sía escoyíu p'allugar finales de la Copa UEFA lo mesmo que de la sumida Recopa europea. Siendo un estadiu de 4 estrelles, Parken entá nun puede entamar la final de la Lliga de Campeones de la UEFA una y bones esta rique una capacidá pa 50 000 espectadores.

El 2 de xunu de 2007 nel Parken Stadion un espectador atacó al árbitru mientres el partíu ente Dinamarca y Suecia nes eliminatories de la Eurocopa 2008, recibiendo una sanción y una multa económica.

Espectáculos

L'estadiu a acoyíu una serie de conciertos multitudinarios como Madonna, Lady Gaga, Depeche Mode, Pet Shop Boys, Eminem, Tiësto, U2, Robbie Williams, Michael Jackson, etc. En 2001 acoyó'l Festival d'Eurovisión concentrando'l mayor aforu de la hestoria d'esti certame, 38 000 espectadores.

El 11 de xunetu de 2009, Britney Spears pasó por esti estadiu pa presentar la so xira "The Circus Starring: Britney Spears" promoviendo'l so álbum Circus, delantre de más de 50 mil persones, faciendo un "llenu completu".

Partíos notables

Fecha !Equipu 1	Res.	Equipu 2	Competición	Espectadores
1994-5-4	Arsenal	1–0	Parma	Final de la Recopa d'Europa 1994	33.765
2000-5-17	Galatasaray	0–0 (p4-1)	Arsenal	Final de la Copa UEFA 2000	38.919
2005-10-8	Dinamarca	1–0	Grecia	Clasificación d'UEFA pa la Copa Mundial de Fútbol de 2006	42.099 (récor d'asistencia)
2006-4-6	F.C. Copenhagen	1–0	Lillestrøm	Final de la Royal League 2005-06	13.617
2006-4-30	F.C. Copenhagen	0–0	Brøndby	Superliga danesa 2005-06	41.201 (récor en lliga)