Rude Boy
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
 | Esti artículu necesita wikificase. |
El términu Rude Boy, que significa mozu rudu, ye emplegáu pa denomar a los miembros d'un movimientu xuvenil orixináu en Xamaica nos años 1960.
Orixe
[editar | editar la fonte]Los sos oríxenes remóntense dende la década de los 60 nos ghettos de Xamaica n'onde vivía toa una xeneracion de mozos que nun tuvieren nenguna oportunidá de vivir el nuevu optimismu que percorría a la islla pola independencia. Esto yera debío a la so pésima condición económica y la so falta d'emplegu.
Estos mozos xurdíos de la clase obrera xamaicana y marxinaos pola sociedá entamen a identificase a sí mesmos como rudeboys, nun-yos quedaba otru camín qu'incluyise na delincuencia o na relixón, en dellos casos en dambes (nesti tiempu ser rudeboy yera una forma de ser "daquién" cuando la sociedá-yos dicía que nun yeren "naide").
Ente les actividaes mas frecuentes de los rudeboys alcontrábase'l robu a turistes, asaltos a diversos comercios y xuntase pa fumar ganya nel monte Zion. La gran mayoría de los rudeboys taba adheríu a la relixón rastafari, polo que nun comíen carne, nin bebíen alcohol.
El ska nesti tiempu yera la música de moda y los mesmos rudies (ye dicir rudeboys), adoptaben esti estilu de música como propiu. Siendo'l tema principal de los cantares que salen ente'l 64 y el 67.
La manera en que los rudeboys baillaben ska yera distinta a los demás xovenes, éstos facíenlo más despacio y d'una manera más imponente y la so manera de vistir yera bastante llamadora, asemeyábase a les de los antiguos gansters de les películes estauxunidenses.
Munchos de los xóvenes qu'aportaben a Kingston a la busca de fama y perres namái se topaben con una vida de crímenes y de violencia cuando'l dineru se-yos acababa (una película qu'espeya esto con mayor veracidá ye'l film de Perry Hanzel “The harder they come” interpretada por Jimmy Cliff interpretando al anti- héroe (Ivanhoe Martín Rhygi).
La opinión pública taba fondamente escontra d'ellos y escontra de les armes. Creóse una llei pola que cualquier persona con posesión d'armes o municiones sería detenida por un tiempu indefiníu.
Esto, naturalmente, influyó nel ska pues los artistes y productores d'esti tiempu apoyaben les aiciones de los rude boys.
El ska y los rude boys foron el tema d'importancia hasta fines de los 60 nel que'l ska ye remplazáu pol Rock Steady, llueu remplazáu pol Reggae, y ésti pol Dub y llueu ésti pol Dance Hall, etc.
La so fachenda innovadora yera la so carauterística: traxes negros y sombreru Pork Pie, pelo rapao... Mécense colos mods de los años sesenta, dando llugar al nacimientu de los skinheads. Estos últimos son confundíos munches veces colos Boneheads violentos y racistes a los que s'oponen.
Referencies
[editar | editar la fonte]Enllaces esternos
[editar | editar la fonte]| Control d'autoridaes |
|
|---|
Datos: Q1131267