Čáhci ja biras

Mii čoavdit guovlohálddahusdoaimmahagas birassuodjalan- ja čáhcelága čuovvu ohcamušáššiid.

Biras- ja čáhcelobiid meannudanbarggu ulbmilin lea ovddalgihtii eastadit birrasa billašuvvama ja dan vára. Lohpemeannudeamis heivehuvvojit oktii birrasa geavaheapmi dahje birrasii váikkuheaddji doaimmat ekologalaččat bistevaš vugiin.

Lohpemeannudeapmi dorvvasta daid riikavuložiid vuoigatvuođaid, geaidda lohpemieđiheami doaimmas dahje fidnus sáhtášedje čuožžilit vahátlaš čuovvumušat. Lohpemeannudeapmi maiddái buktá dasa, gii lea ožžon miehtemielalaš lobi, riektedorvvu ollašuhttit fidnu dahje bargat iežas doaimma lobi addin vugiin.

Ohcamuša meannudeamis lea gullanmuddu, mainna mii geahččalit sihkkarastit, ahte buot riikavuložiin lea vejolašvuohta váikkuhit eallinbirrasa guoski mearrádusdahkamii.

Ohcamuša áššegirjjit ja addon mearrádus almmuhuvvojit biras- ja čáhcelobiid diehtobálvalusas, gos daidda sáhttá oahpásmuvvat jándoráiggis beroškeahttá.

Birassuodjalanláhka ja čáhceláhka ja daid vuođul addon riektenjuolggadusat sisttisdollet mearrádusaid das, makkár doaimmaide dahje fidnuide don dárbbašat lobi.