Georgina de Albuquerque
| Georgina de Albuquerque | |
|---|---|
 Georgina de Albuquerque, niritrato ni M. Nogueira da Silva | |
| Kamundagan | Georgina de Moura Andrade Pebrero 4, 1885 Taubaté, São Paulo |
| Kagadanan | Agosto 29, 1962 (edad 77) Rio de Janeiro |
| Mga notableng gibo | Sessão do Conselho de Estado (1922) |
| Paghiro | Impresyonismo |
| Agom | Lucílio de Albuquerque |
Si Georgina de Albuquerque (Pebrero 4, 1885 - Agosto 29, 1962) sarong Brasilian na Impresyonistang pintor asin paratukdo. Midbid siya huli sa saiyang interes sa mga temang babae. An saiyang agom na si Lucílio sarong bantogan na pintor asin an duwa magka-ugos nanggad.[1]
Buhay
[baguhon | baguhon an source]Si De Albuquerque pinangaki na Georgina de Moura Andrade kan Pebrero 4, 1885, sa Taubaté, São Paulo.[2] Nagpuon siya nin pag-adal sa pagpinta kan edad na 15 kan 1900 sa saiyang katutubong Taubaté.[2] Tinukduan siya sa saiyang harong kan Italyanong pintor na si Rosalino Santoro, kan mga pundamental na prinsipyo nin pagpinta, arog baga kan mga ley nin pananaw asin pamamaagi sa paghalo kan pinta.[3]
Pagsasanay
[baguhon | baguhon an source]Naglipat si De Albuquerque sa Rio de Janeiro kan 1904 sa edad na 19, kun sain nag-laog siya sa Escola Nacional de Belas Artes (National School of Fine Arts), sa irarom ni Henrique Bernardelli. Naglipat siya sa Paris kan 1906, pakatapos pakasalan an pintor na si Lucílio de Albuquerque. Sa Paris, nagklase siya sa École Nationale Supérieure des Beaux-Arts asin Académie Julian, kun sain naging estudyante siya ni Henri Royer.[2]
Karera
[baguhon | baguhon an source]Kan 1911, si Georgina de Albuquerque nagbalik sa Brasil asin ipinahiling an saiyang gibohon sa São Paulo. Poon kaidto, siya regular na nagpartisipar sa General Exhibition of Fine Arts.
Kan 1927 si Georgina de Albuquerque naging propesor sa Escola Nacional de Belas Artes sa Rio de Janeiro, kun sain siya nagtukdo nin artistikong disenyo.[4]
Kan 1935 nagpoon siyang magtokdo nin kurso sa dekoratibong arte sa Institusyon kan Arte sa Unibersidad kan Distritong Pederal.
Kan 1940, siya nagtogdas kan Musee Lucílio de Albuquerque sa saiyang harong sa kasagsagi kan Laranjeiras. Siya naggibo nin kurso sa pagdrowing asin pagpinta para sa mga aki.
Sa pag-ultanan kan 1952 asin 1954, siya nagkapot kan pwesto nin Direktor sa Escola Nacional de Belas Artes.[2]
Pagkagadan
[baguhon | baguhon an source]Si Georgina de Albuquerque nagadan kan Agosto 29, 1962, sa Rio de Janeiro sa edad na 77.
Galeriya
[baguhon | baguhon an source]-
Lady, ni Georgina de Albuquerque, 1906
-
Portrait ni Georgina de Albuquerque gibo ni Lucílio de Amboquoque, 1907
-
Georgina de Albuquerque, 1922,Sesão do Conselho de Estado, lana san kanbas, National Historical Museum (Brazil),Rio de Janeiro
Mga Toltolan
[baguhon | baguhon an source]- ↑ Daryle Williams (12 July 2001). Culture Wars in Brazil: The First Vargas Regime. p. 263. ISBN 0822327198.
- ↑ 2.0 2.1 2.2 2.3 "Georgina de Albuquerque". www.escritoriodearte.com.
- ↑ Angyone Costa (1927). A inquietação das abelhas (The Restlessness of Bees). Rio de Janeiro: Pimenta de Melo. pp. 90–91.
- ↑ Who's Who in Latin America: A Biographical Dictionary of the Outstanding Living Men and Women of Spanish America and Brazil (in Spanish). Stanford University Press. 1940. ISBN 9780804723152.
