Gunung Everest
Gunung Everest adalah gunung nang paling tinggi di dunia. Puncak gunungnya manandaakan parbatasan antara Nepal wan Tibet, puncaknya di lintang Tibet, gunung ngini dalam bahasa Sanskerta disambat Sagarmatha (Dahi Langit) wan dalam bahasa Tibet Chomolangma ataw Qomolangma (Mama Samesta)[1], dilapalakan dalam bahasa Tionghoa (pinyin: Zhūmùlǎngmǎ Fēng). Gunung ngini mandapatakan ngaran bahasa Inggerisnya matan ngaran Sir George Everest. Ngaran ngini dibariakan ulih Sir Andrew Waugh, surveyor-general India bakabangsaan Inggeris, panarus Everest.[2][3] Puncak Everest marupaakan sabuting diantara tujuh puncak di dunia.
Ukuran
[babak | babak asal-mulanya]Radhanath Sikdar, juru ukur wan pakar matimatika matan Bengal marupakan urang pamulaan nang manyambat Puncak Everest sabagai puncak nang paling tinggi malalui parhitungan trigonometric pas 1852. Parhitungan ninih dilakuakan manggunaakan teodolit matam jarak 150 mil jauhnya di India. Sapalih rakyat India parcaya, puncak tarsabut saharusnya dingarani lawan ngaran Sikdar lain Everest. Gunung ngini baisi katinggian kurang labih 8.850 mitir, walaupun tadapat variasi matan sagi ukuran (baik pamarintah Nipal atawa Cina balum mangasahakan ukuran ninih sacara rasmi, katinggian Puncak Everest masih dianggap 8.850 mitir ulih buhannya). Gunung Everest pamulaan diukur pas tahun 1856 baisi katinggian 8.839 mitir, tapi dinyataakan 8.848 mitir (29.002 batis). Tambahan 0,6 mitir (2 batis) manunjukakan bahwa pas waktu ngitu katinggian nang bujur satinggi 29.000 batis pacang dianggap sabagai parkiraan nang dibulatakan. Parkiraan umum nang digunaakan wayah ini adalah 8.850 nang diparulih malalui bacaan Sistem Posisi Global (GPS). Gunung Himalaya masih tarus batambah tinggi maraga pargarakan limping tiktunik kawasan ngitu. Gunung Everest adalah gunung nang puncaknya mancapai jarak paling jauh dari paras laut. Dua gunung lain nang takana jua disambat sabagai “gunung tartinggi didunia” adalah Gunung Mauna Loa di Hawaii, nang tartinggi amun diukur matan dasarnya intang dasar tangah laut, tapi tingginya 4.170 mitirannya atas paras laut wan Gunung Chimborazo di Ikuadur, nang puncaknya 2.150 mitir tatinggi mulai pusat bumi dibandingakan Gunung Everest, karna Bumi mangambung di kawasan Khatulistiwa. Kayapapun jua, Chimborazo mancapai katinggian 6.272 mitirannya di atas paras laut, jadi lain puncak tartinggi di Andes.
Dasar tardalam di lautan tadalam dibandingakan katinggian Everest. ''Challanger Deep'', tarlatak di Palung Mariana, daripada dalamnya, cakanya gunung Himalaya dibuat kadalamnya masih tardapat kurang labih parak 1,6 kilumitir banyu manutupinya.
Geologi
[babak | babak asal-mulanya]Urang nang mahir geologi sudah mambagi babatuan nang manyusun Gunung Everest jadi tiga unit nang dikanal sabagai formasi.[4] Satiap formasi nitu tapisahkan satu lawan nang lain uleh patahan sudut rendah nang dingarani detasemen, nang mana ngini tuh artinya didorong ke selatan satu lawan nang lain. Matan puncak Gunung Everest sampai ka dasarnya, satuan batuan ngini Formasi Qomolangma, Formasi Kolom Utara dan Formasi Rongbuk.
Formasi Qomolangma lawas sudah dikanal sabagai Formasi Jolmo Lungama nang mambantang matan puncak ka puncak Jalur Kuning lawan ketinggiannya sakitar 8.600 m (28.200 ft) di atas permukaan laut. Lapisan nang ngini baasal matan laminasi paralel lawan balapis, batugamping Ordovisium nang saling balapis lawan lapisan subordinat matan rekristalisasi dolomit lawan lamina nang balampung sarta Batu lanau. Gansser pamulaan banar suah malaporkan bahwa ia manamukan fragmen mikroskopis krinoid tikas batu kapur ngini. Imbah nitu hasil panjanakan lawan paitihan Petroglif tarhadap sampel batu kapur matan parak puncak maungkapkan bahwa bubuhannya tardiri sabagai pelet karbonat lawan sisa-sisa trilobit, krinoid, sarta ostracoda nang terfragmentasi sakira halus. Sampel nang lain direkristalisasi dengan liwar buruk sahingga konstituen sabujurnya kada kawa ditantuakan. Lapisan trombolit putih nang tabal lawan tahan tarhadap cuaca nnitu mancapai 60 m (200 ft) tardiri matan "Tiga Lapisan" lawan marupakan bagian pamulaan dari piramida puncak Everest. Lapisan ngini paharatan pamulaan timbul sakitar 70 m (230 ft) di bawah puncak Gunung Everest, lawan tardiri dari sedimen nang taparangkap, diikat, lawan disemen uleh biofilm mikro-organisme, tarutama sianobakteri di perairan laut kada dalam. Formasi Qomolangma dipecah ulih patahan sudut tinggi nang habis di sudut rendah Detasemen Qomolangma. Detasemen ngini mamisahkannya matan Pita Kuning nang mandasarinya. Lima meter liwar dibawah dari Formasi Qomolangma nang manutupi detasemen ngini mangalami deformasi nang liwar ganal.[5]
Sabagagian ganalnya Gunung Everest rahatan katinggian antara 7.000 tikas 8,600 m (22.965,88 dan 28,22 ft) tardiri matan Formasi Kol Utara, lawan Pita Kuning mambentuk bahagian atas tikas 8.200 sampai 8.600 m (26.900 hingga 28.200 ft). Pita Kuning ngitu tardiri balapisan interkalasi Tengah Kambrium bantalan marmer diopside-epidot nang mangalami palapukan sahingga bawarna cuklat kakuningan nang khas, lawan semisekis muskovit-biotit sarta filit. Panjanakan petrografi marmer nang dikumpulakan dari sakitar 8.300 m (27.200 ft) manamuakan bahwa ngitu tardiri dari sabanyak lima persen hantu ossicles crinoid nang direkristalisasi. Lima meter paling atas dari Jalur Kuning nang barada baparakan lawan Detasemen Qomolangma mengalami deformasi nang parah. Sebuah 5–40 cm (2,0–15,7 in) sesar tebal bakajadian mamisahkannya lawan Formasi Qomolangma nang ada di atasnya.[6]
- Everest
Catatan Batis
[babak | babak asal-mulanya]- ^ "Mount Qomolangma or Mount Everest?". China Daily. 18 November 2002. Diakses tanggal 18 October 2019.
- ^ "India and China". The Times (22490). 4 October 1856. hlm. 8.
- ^ "Papers relating to the Himalaya and Mount Everest". Proceedings of the Royal Geographical Society of London. IX: 345–351. April–May 1857.
- ^ Xiaoying, Shi; Zhenyu, Lei; Jiarun, Yin (1996-09). "Lower Jurassic Sequence Stratigraphy and Sedimentary Facies on the North Slope of Mount Qomolangma". Acta Geologica Sinica - English Edition. 9 (3): 303–316. doi:10.1111/j.1755-6724.1996.mp9003007.x. ISSN 1000-9515.
- ^ Xiaoying, Shi; Zhenyu, Lei; Jiarun, Yin (1996-09). "Lower Jurassic Sequence Stratigraphy and Sedimentary Facies on the North Slope of Mount Qomolangma". Acta Geologica Sinica - English Edition. 9 (3): 303–316. doi:10.1111/j.1755-6724.1996.mp9003007.x. ISSN 1000-9515.
- ^ Sakai, Harutaka; Sawada, Minoru; Takigami, Yutaka; Orihashi, Yuji; Danhara, Tohru; Iwano, Hideki; Kuwahara, Yoshihiro; Dong, Qi; Cai, Huawei (2005-12). "Geology of the summit limestone of Mount Qomolangma (Everest) and cooling history of the Yellow Band under the Qomolangma detachment". Island Arc. 14 (4): 297–310. doi:10.1111/j.1440-1738.2005.00499.x. ISSN 1038-4871.
Tatautan luar
[babak | babak asal-mulanya]Wikimedia Commons baisi tumbung pasal Gunung Everest |
- (Bahasa Inggris) EverestHistory.com, Alur waktu Gunung Everest
- (Bahasa Inggris) MountEverest.net Archived 2007-01-07 at the Wayback Machine
- (Bahasa Inggris) Halaman National Geographic tentang Everest
- (Bahasa Indonesia) Everest News