Brezel

type of conflict
Associated hazard	casualty, war damage, uncertainty
Perzhiad	Stad
Abeg pennañ	casus belli, conflict escalation
Efed	effects of war
Studiet gant	military history, war studies, peace and conflict studies, Institute for the Study of War, sociology of peace, war, and social conflict
Hashtag	wars
Dezverket dre	type of war
Istor	history of war
Pleustret gant	brezelour, fictional warrior, Goprsoudard, fictional mercenary
Handled, mitigated, or managed by	preventive diplomacy, peacebuilding, anti-war movement
Enebet ouzh	peoc'h

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Ar Stadoù-Unanet o deus lakaet da darzhañ ur vombezenn atomek e neñv Nagasaki e 9 a viz Eost, 1945. Ar bombezadegoù atomek war Hiroshima ha Nagasaki o deus lakaet da vervel raktal etre 100 000 ha 200 000 nannsoudard, ar gwechoù nemeto m'eo bet implijet seurt armoù evit brezeliñ.

Ar brezel a zo ur bec'h etre riezoù pe strolladoù bras a-walc'h o vent a ya da lakaat anezho da implij armoù ha an nerzh fizikel hag dispaket int dre sevel luioù soudarded kaset e tu all an harzoù a oa etre an div gostezenn a-raok. Pal ar vrezelerien a zo tapout pe virout tiriadoù'zo hag e c'hoarvez ma vez kollet hag adtapet an tiriadoù en-dro gant pep a du. Un aozadur hag ur raktres milourel a vez savet gant an emgannerien. Bez e c'hell ar brezel bezañ berr (dindan ur bloaz pe ur miz) pe badout meur a vloavezh gant meur a gampagn, da lavaret eo prantadoù tagadennoù e-kreiz ehannoù.

Meur a abeg a vez da vrezeliñ : gounid pe adc'hounid ar riegezh, un tiriad, pinvidigezhioù naturel, ledanaat levezon ur relijion pe un ideologiezh. Pa vez adtapet un tiriad a oa bet skrapet hag ac'hubet e vez kaoz eus ur brezel dieubiñ. Pa vez brezel etre kostezennoù e diabarzh ur riez e vez kaoz eus ur brezel diabarzh. Betek diwezh an Eil brezel bed e vezed kustum da embann un diskleriadur ar brezel ofisiel, spis e stumm.

Gant ar brezel e vez kaset tud d'ar marv ha n'int holl dibellaus, dreist-holl pa vez lazhet nannsoudarded e-leizh evel e-korf brezelioù an XX^vet kantved ha re an XXI^vet kantved ivez. E-pad an XX^vet kantved eo bet jedet e c'hellfe bezañ bet lazhet etre 130 000 ha 142 milion a dud, nannsoudarded an darnvuiañ anezho. Hag e-touez ar buhezioù kollet-se, 51 milion a dud a zo marvet e diwezh an Eil brezel bed.

Istor ar brezel

Gwelet Istor ar Brezel

Emglev ebet ez eus diwar-benn orin ar brezel. Hervez reoù'zo e oa bet atav brezelioù etre ar strolladoù denel tra ma pouez ar re arall war ar fed n'eus ket sin ebet a vrezel e-pad ar ragistor. Da gentañ e oa ar brezel un heuliad ag argadegoù bihen n'eo nemet gant ganedigezhioù ar riezoù kentañ, 5000 bloavezh 'zo e c'heller gwelout kampagnoù milourel bras.