Liòṅ
C'l artìcul chè 'l è scrit in
Miranduléś |
Liòṅ (in Francéś Lyon, a s lèś /ljɔ̃/) l'è na sità dla Frància sentràla ad 496.343 abitànt ch'la s cata in dal dipartimènt dla Metròpuli 'd Liòṅ in dla regiòṅ Rhône-Alpes. L'è divìśa in nóṿ quartēr (arrondissement) e l'è la tèrsa sità più granda dla Frància dòp Parì e Marsìglia. L'è stada tiràda sù a i tèmp di rumàṅ in dua i s incróś'n i fiùm Ròdan e Saóna anc s'l'éra bèla abitàda da i tèmp di gai.
Al sìndic 'l è 'l sucialìsta Gérard Collomb (2014/2020).
La sò ecunumìa la pōl cuntàr su l'indùstria mecàniga e su la risérca sientìfica in di camp dla madśìna e dla fìśica. A Liòṅ i s èṅ stablî qvéi dal canàł televiśìṿ 'd Euronews.
Fra i sò piàt più cgnusû a gh'è i gratons (fat c'n al gras di nimài), 'l Andouillette (salsìsa fata c'n al stómag e al budèli di nimài) e al Saucisson chaud à la lyonnaise (cudghèṅ).
Persunàǵ famóś ligâ a Liòṅ
- 'L imperadōr rumàṅ Caracalla
- Al cumpuśidōr Jean Michel Jarre
- Al fìśic André-Marie Ampère
- I fradèi Auguste e Louis Lumière cunsiderâ gl'inventōr dal cìnema
- La tenìsta Sandrine Testud
- 'L alenadōr ad balòṅ Raymond Domenech
- Al śugadōr ad balòṅ Éric Abidal
- Al śugadōr ad balòṅ Ludovic Giuly
- Al śugadōr ad balòṅ Karim Benzema
- Al pilòta 'd Fórmula Òṅ Olivier Panis
Culegamènt estéran
Àtar prugèt
Wikimedia Commons contiene file multimediali su Liòṅ