Jesús Torbado
| Jesús Torbado | |||||
|---|---|---|---|---|---|
| Persona informo | |||||
| Naskiĝo | 4-an de januaro 1943 en Leono | ||||
| Morto | 22-an de aŭgusto 2018 (75-jaraĝa) en Madrido | ||||
| Lingvoj | hispana vd | ||||
| Ŝtataneco | Hispanio  vd
| ||||
| Profesio | |||||
| Okupo | verkisto ĵurnalisto vd
| ||||
| |||||
| vd | Fonto: Vikidatumoj | ||||
Jesús TORBADO Carro (Leono, 4a de januaro 1943 - Madrido, 22a de aŭgusto 2018) estis hispana verkisto kaj ĵurnalisto.
Biografio
Li infanaĝis en rura areo, kie lia patro estis instruisto. Poste li studis kun monaĥoj, sed li foriris al Madrido, kie li ekstudis ĵurnalismon. Li veturis al Parizo serĉe de alia vivmaniero, kaj tie li kontaktis kun pli ribelema junularo survoja al nova socia movado. Tie li ekverkis Las corrupciones, kiujn li prezentis al la premio Alfaguara en ties unua okazo en 1965 kaj li sukcesis ricevi ĝin estante nur 22-jaraĝa. Ekde tiam li dediĉas sin al fekunda kariero de romanoj kaj noveloj, vojaĝlibroj, raportaĵoj, kronikoj, artikoloj, krom scenaroj por kino kaj televido.
Ekde lia restado en Parizo, li konstante veturados kaj tion li transigis al romanoj kaj al sia ĵurnalisma laboro. En la unuaj jaroj, tiuj vojaĵoj rilatis al movadoj kiel: provo, beatniks, mods, hipioj ktp. En la somero de 1967 li veturis dum du monatoj per petveturado tra tuta Eŭropo, kio rezultis en serio de gazetaj kronikoj pri ribelema junularo, kaj sekve en libro de vojaĝoj, La Europa de los jóvenes, kaj en eseo Jóvenes a la intemperie. Li ankaŭ poblikigis serion de artikoloj pri la hippioj de Formentera, koincide kun la elpeloj for de la lando kiuj estis okazintaj en Ibiza, afero kiu inspiris poste la romanon Moira estuvo aquí.