AC Omonia

Athletic Club Omonia Nicosia
Sorrera	1948
Futbol zelaia	GSP Stadium; edukiera: 22.859 lagun; inaugurazioa: 1999
Presidentea	Stavros Papastavrou
Entrenatzailea	Sofronis Avgousti
Liga	Zipreko Liga
2023-24	3.a
Webgunea	Webgune ofiziala

	Etxekoa

	Kanpokoa

AC Omonia (grekeraz Αθλητικός Σύλλογος Ομόνοια Λευκωσίας, "Athletic Club Omonia Nicosia") Zipreko futbol talde onenetakoa da, Nikosia hiriburukoa. 20 aldiz irabazi du Zipreko futbol liga eta beste 14 aldiz Kopa.

Historia

1926an APOEL sortu zuten Nikosiako greziar abertzaleek eta Zipre Grezian barneratzea amesten zuen jendearen erreferentziazko futbol taldea izatea nahi izan zuten.

1948an ordea taldeak telegrama bat bidali zion Greziako Atletsimo Amateurraren Federazioari zorionduz Greziako Gerra Zibila bukatu izanagatik. Taldeko ezkertiarrek oso gaizki hartu zuten eskutitza bidali izana eta taldetik atera eta klub berria sortu zuten, Omonia Nikosia FC. Ordutik talde bien arteko harremanak txarrak izan dira. Gainera Omonia talde hobea izan zen APOEL baino, batez ere 70 eta 80. hamarkadetan izan zuen nagusitasun erabatekoarengatik. 1972 eta 1989 artean Omoniak 14 liga irabazi zituen eta APOELek hiru baino ez. Hura izan zen noski Omoniaren "urrezko aroa". 1990. hamarkadan apalago ibili ziren talde biak.

XXI mendearen hasieran Omoniak hiru liga eta lau kopa lortu zituen, baina ondoren APOELen itzalean egotea egokitu zaio, azken urteetan bereziki. 2013-14 denboraldian Miguel Angel Lotina euskalduna izan zuen entrenatzaile baina emaitza txarren ondorioz ez zuen denboraldia bertan amaitu. Hamarkada batez titulurik eskuratu gabe izan ondoren 2021ean Liga eta 2022an Kopa irabazi ditu.

Uniformea

Historikoki kolore berdea eta zuria erabili ditu uniformean, berdea nagusitu bada ere.





2016-2017





2017-2018





2018-2020





2020-2021





2021-2022





2022-2023

Palmaresa

Zipren: 54

Liga (21): 1961, 1966, 1972, 1974, 1975, 1976, 1977, 1978, 1979, 1981, 1982, 1983, 1984, 1985, 1987, 1989, 1993, 2001, 2003, 2010, 2021.
Kopa (16): 1965, 1972, 1974, 1980, 1981, 1982, 1983, 1988, 1991, 1994, 2000, 2005, 2011, 2012, 2022, 2023.
Zipreko Superkopa (17): 1966, 1979, 1980, 1981, 1982, 1983, 1987, 1988, 1989, 1991, 1994, 2001, 2003, 2005, 2010, 2012, 2021.

Euskal taldeen aurkako partidak

Hauek dira Europako txapelketa ofizialetan Omoniak euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
2022-23	UEFA Europa League	Multzokako fasea	Real Sociedad AC Omonia	2-1 0-2	AC Omonia Real Sociedad

Kanpo estekak

(Grezieraz)(Ingelesez) webgunea

Datuak: Q240783
Multimedia: A.C. Omonia Nicosia / Q240783