Donetskeko oblasta

Donetskeko oblasta Донецька область
Ukrainako oblasta
Administrazioa
Herrialdea	Ukraina
Hiriburua	Donetsk
Geografia
Azalera	26.517 km²
Demografia
Biztanleria	4.542.280 biztanle (2008)
Dentsitatea	171,3 bizt/km²
Bestelako informazioa
Hizkuntza ofiziala(k)	Ukrainera
www.donoda.gov.ua

Donetskeko oblasta (ukraineraz: Донецька область, translit. Donets’ka oblast’), Ukrainako hego-ekialdeko oblast bat da. Hego-mendebaldean Zaporijiako eta Dnipropetrovskeko oblastekin du muga, ipar-ekialdean Luhanskekoarekin, ekialdean Errusiako Rostov oblastarekin eta hegoaldean Azov itsasoarekin. 26.517 km²ko azalera du eta 2008an 4.542.280 biztanle zituen (Ukrainako populazio osoaren %9,7). Hiriburua Donetsk da. Donbasseko gerra zibilaren ondorioz, eskualdeak aldaketa demografiko eta ekonomiko sakonak jasan ditu.

2014ko apirilaren 6an piztu zen Donbasseko gerra, errusiazaleen eta ukrainazaleen artean. 2014ko maiatzaren 11n errusiazaleek sustaturik egindako erreferendumaren ondorioz, Donetskeko oblasta estatu independente bilakatu zen. Errusiazale independentistek hiriburua eta hego-ekialdea bereganatu zituzten; Ukrainako Gobernuak, aldiz, iparraldea eta mendebaldea bere kontrolpean mantendu zituen. 2022ko otsailaz geroztik, Errusiaren Ukrainako inbasioarekin, errusiazaleek Donetsekeko oblastaren are eremu handiagoa bereganatu zuten (bereziki, hegoalde osoa, Mariupol barne). Ondoren, 2022ko irailaren 30ean, errusiazaleen kontrolpeko eremua (oblasteko zatirik handiena eta jendetsuena) Errusiako Federaziora batu zen.

Banaketa administratiboa

Donetskeko eta Luhanskeko oblasten mapa. Gorri argiz, errusiazaleen kontrolpeko eremua; gorriz, errusiazaleen kontrolpeko hiriak; horiz, ukrainazaleen kontrolpeko eremua; urdinez, ukrainazaleen kontrolpeko hiriak.

Oblasta hamazortzi raion edo barrutitan banaturik dago. 28 hiri, 23 barrutiburu, 134 herri eta 1.124 herrixka daude.

Hiri nagusiak

Donetskeko oblasteko hiri handienak hauek dira (2005eko biztanleria)

• Donetsk: 999.975 biztanle
• Mariupol: 482.440 biztanle
• Makiivka: 375.992 biztanle
• Horlivka: 279.061 biztanle
• Kramatorsk: 174.892 biztanle
• Sloviansk: 122.049 biztanle
• Jenakiive: 96.616 biztanle
• Kostiantynivka: 88.833 biztanle

Ekonomia

Industria

Donetskeko oblastak Ukrainako ikatz, altzairu eta burdin ekoizpen guztiaren erdia baino gehiago produzitzen du. Tamaina handiko 882 enpresa biltzen ditu eta 2.095 ertain-txiki daude.

Nekazaritza

Nekazal produktu nagusiak garia, azukre-erremolatxa, ekilorea, patata, okela eta esnea dira. 1999ko hasieran 2.108 etxalde zeuden zenbatuta.

Ikus, gainera

• 2014ko Krimeako krisia
• 2014ko Ukraina ekialdeko gatazka armatua
• Donetskeko Herri Errepublika

Kanpo estekak

• (Ingelesez) (Ukraineraz) (Errusieraz) Donetskeko oblasteko administrazioaren ataria

• Datuak: Q2012050
• Multimedia: Donetsk Oblast / Q2012050