Mendebaldeko Frantzia

Mendebaldeko Frantzia; Francia occidentalis
	843 – 987
	Oinordetzako monarkia
	Mendebaldeko Frantzia, gorriz, 870ean
Geografia
Hiriburua	Paris
Kultura
Hizkuntza(k)	Latina eta erromantze hizkuntzak
Erlijioa	Katolizismoa
Historia
Verdungo Hitzarmena	843
Desagerpena	987
	Karolingiar Inperioa
Frantziako Erresuma

Mendebaldeko Frantzia (latinez: Francia Occidentalis), Mendebaldeko Frankoen Erresuma (latinez: Regnum Francorum occidentalium) ere deitua, Mendebaldeko Europako erresuma izan zen, 843-987 bitartean iraun zuena. 843ko Verdungo Hitzarmenaren ondoren eratu zen.

Historia

Verdungo Hitzarmenak hiru zatitan banatu zuen Karolingiar Inperioa (843): Ekialdeko Frantzia, Lotaringia eta Mendebaldeko Frantzia. Azken hau, 840-877 bitartean Karlos Burusoilaren kontrolpean egon zen. Feudo handitan banaturik zegoen: Akitania, Bretainia, Borgoina, Katalunia, Flandria, Gaskoinia, Septimania, Frantziako Uhartea eta Tolosako Konderria.

Mendebaldeko Frantzia, gaur egungo Frantziaren jatorria da. X. mendean zehar Karolingiarren eta Robertotarren arteko borrokak luzatu ziren eta, azken buruan, beste dinastia baten igoera ekarri zuten, Kapetoena alegia. Horrenbestez, 987an Hugo I.a lehen Kapetoak Karlos Lorrena Beherekoa, Karolingiarren azken erregegaia, hilarazi zuen^[1]. Harrezkero, Hugo Kapetoren ondorengoek 800 urtez gobernatu zuten Frantzia.