Palembang
| Palembang | |||
|---|---|---|---|
city of Indonesia (en)  | |||
 Ampera zubia  Irudi gehiago | |||
| |||
| Administrazioa | |||
| Herrialdea |  Indonesia | ||
| Probintzia | Hego Sumatra | ||
| Alkatea | Harnojoyo (en) | ||
| Izen ofiziala | Palembang | ||
| Posta kodea | 0711 | ||
| Geografia | |||
| Koordenatuak | 2°59′00″S 104°45′52″E / 2.9833°S 104.7644°E | ||
 | |||
 | |||
| Azalera | 358,55 km² | ||
| Altuera | 8 | ||
| Mugakideak | Banyuasin (en) , Ogan Ilir (en) eta Muara Enim (en) | ||
| Demografia | |||
| Biztanleria | 1.535.952 (2010) | ||
| Dentsitatea | 0 bizt/km² | ||
| Informazio gehigarria | |||
| Sorrera | 683ko ekainaren 16a | ||
| Ordu eremua | UTC+07:00 | ||
| Hiri senidetuak | Manchester eta Haga | ||
| http://www.palembang.go.id/ | |||
Palembang (indonesieraz: Kota Palembang; jawiz: ڤاليمباڠ) Indonesiako hiria da, Hego Sumatra probintziako hiriburua. 2010ean 1.455.284 biztanle zituen[1]. Sumatra uharteko bigarren hiririk handiena da, Medanen ondotik, eta Indonesia osoko zazpigarrena. Ekialdeko Venezia deitzen zaio.
Geografia
[aldatu | aldatu iturburu kodea]Palembang hegoaldeko Sumatrako ordokian dago, Musi ibaiak zeharkatua. Ibaitik iparraldera Seberang Ilir izeneko aldea dago, eta bertan daude hiriko gune ekonomiko eta kultural nagusiak; ibaitik hegoaldera, berriz, Ulu Seberang dago, eta bertan dago gune politikoa. Ikusgarria da Musi ibaiaren gaineko Ampera zubia, hiriko ikonoa.
Klima
[aldatu | aldatu iturburu kodea]Palembangek klima ekuatoriala du (Af) Köppen klima sailkapenaren arabera.
 Datu klimatikoak (Palembang) 
| |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Batez besteko tenperatura maximoa (°C) | 30.8 | 31.2 | 31.5 | 32.1 | 32.4 | 31.9 | 31.8 | 32.1 | 32.5 | 32.6 | 31.9 | 31.1 | 31.8 |
| Batez besteko tenperatura (ºC) | 26.8 | 27.1 | 27.2 | 27.7 | 28.0 | 27.4 | 27.0 | 27.2 | 27.5 | 27.7 | 27.4 | 27.0 | 27.3 |
| Batez besteko tenperatura minimoa (°C) | 22.9 | 23.0 | 23.0 | 23.4 | 23.6 | 22.9 | 22.3 | 22.4 | 22.5 | 22.9 | 23.0 | 23.0 | 22.9 |
| Pilatutako prezipitazioa (mm) | 277 | 262 | 329 | 263 | 213 | 122 | 104 | 107 | 120 | 186 | 274 | 366 | 2623 |
| Eguzki orduak | 169 | 118 | 130 | 150 | 174 | 127 | 130 | 149 | 118 | 160 | 132 | 120 | 1677 |
| Iturria (1): Climate-Data.org[2] | |||||||||||||
| Iturria (2): Deutscher Wetterdienst[3][4] | |||||||||||||
Historia
[aldatu | aldatu iturburu kodea]Idatziz, VII. mendeko agirietan aipatu zuten lehenengoz. Indonesiako hiririk zaharrena da, eta historia aberatsa dauka, luzaro Srivijaya itsas erresumako hiriburua izan zenez: antzinako Sumatra irla (gaurko Indonesia) berena zen, eta Asiako hego-ekialdean eragin handia izan zuten, Indonesia eta Malaysia inguruetan batez ere. Budismoa zen beren erlijioa.
1825. urtean, herbeheretarrek menpean hartu zuten lurraldea, eta arkitektura-ondare aberatsa utzi zuten. Bigarren Mundu Gerran Palembangeko itsas gudua gertatu zen, 1942. urteko otsailaren 13tik 15era, Japoniak hiriko petrolio-findegiak bereganatu nahi izan baitzituen. 1950ean Indonesiako Errepublikaren barnean sartu zen.
Banaketa administratiboa
[aldatu | aldatu iturburu kodea]Palembang 16 barruti eta 107 azpibarrutitan banatuta dago. Barrutiak hauek dira:
- Ilir Timur I
- Ilir Timur II
- Ilir Barat I
- Ilir Barat II
- Ulu Seberang I
- Ulu Seberang II
- Sukarame
- Sako
- Bukit Kecil
- Kemuning
- Kertapati
- Plaju
- Gandus
- Kalidoni
- Alang-Alang Lebar
- Sematang Borang
Gizartea
[aldatu | aldatu iturburu kodea]
Malaysiera da Palembangeko hizkuntza nagusia, musi dialektoa bereziki. Erlijio ugari batzen dira hirian: islama da nagusia, baina kristauak, budistak, hinduistak eta konfuzianistak ere daude.
Ekonomia
[aldatu | aldatu iturburu kodea]Ehungintza-industria eta petrolio-finketa dira hiriko gaur egungo ekonomiaren gune nagusiak. Musi ibaiaren bokalean portua dago.
Garraioak
[aldatu | aldatu iturburu kodea]Garraio publiko nagusia minibus-sareak eratzen du. Ibaia zeharkatzeko, ontziak erabiltzen dira, bai betikoak (Ketek), bai txalupa azkarrak ere. Nazioarteko aireportua dago. Hiru portu nagusi daude hirian; Boom Barú da garrantzitsuena.
Hezkuntza eta kultura
[aldatu | aldatu iturburu kodea]Hamar unibertsitatetik gora daude Palembangen; bi aipatzearren: Sriwijayako Unibertsitatea eta Sriwijaya Palembang Politeknikoa. Komunikabideetan ere nabari da hiriaren garrantzia: telebista nazional guztiek dituzte egoitzak Palembangen, eta hainbat irrati.
Erreferentziak
[aldatu | aldatu iturburu kodea]- ↑ Aipuaren errorea: Konpondu beharreko erreferentzia kodea dago orri honetan:
ez da testurik eman
biztizeneko erreferentziarako - ↑ Climate: Palembang, en.climate-data.org
- ↑ ftp://ftp-cdc.dwd.de/pub/CDC/observations_global/CLIMAT/multi_annual/sunshine_duration/1961_1990.txt
- ↑ ftp://ftp-cdc.dwd.de/pub/CDC/help/stations_list_CLIMAT_data.txt
