Suzanne Lenglen
Biografía | |||||||||||||
---|---|---|---|---|---|---|---|---|---|---|---|---|---|
Nacemento | (fr) Suzanne Rachel Flore Lenglen 24 de maio de 1899 16º distrito de París, Francia | ||||||||||||
Morte | 4 de xullo de 1938 16º distrito de París, Francia | ||||||||||||
Causa da morte | leucemia Anemia perniciosa | ||||||||||||
Lugar de sepultura | Saint-Ouen Cemetery (en) | ||||||||||||
Datos persoais | |||||||||||||
País de nacionalidade | Francia | ||||||||||||
Lateralidade | destro | ||||||||||||
Actividade | |||||||||||||
Ocupación | tenista | ||||||||||||
Período de actividade | agosto de 1926 | ||||||||||||
Lingua | Lingua francesa | ||||||||||||
Nacionalidade deportiva | Francia | ||||||||||||
Deporte | tenis | ||||||||||||
Disciplina deportiva | tenis individual | ||||||||||||
Man de xogo | destro | ||||||||||||
| |||||||||||||
Participou en | |||||||||||||
1920 | tennis at the 1920 Summer Olympics – women's singles (en) | ||||||||||||
1920 | tennis at the 1920 Summer Olympics – women's doubles (en) | ||||||||||||
1920 | tennis at the 1920 Summer Olympics – mixed doubles (en) |
||||||||||||
Premios | |||||||||||||
Suzanne Rachel Flore Lenglen, nada en París o 24 de maio de 1899 e finada na mesma cidade o 4 de xullo de 1938, foi unha tenista francesa, campioa olímpica, que obtivo 31 títulos de Grand Slam, doce deles individuais. Foi a primeira muller en converterse en tenista profesional. Dominou o tenis feminino entre 1919 e 1926. Alcumada "a divina" pola prensa francesa,[1] está considerada a primeira gran diva e campioa do tenis feminino, deporte en que rompeu barreiras cun xogo apaixonado. Negociou co deseñador Jean Patou a confección da súa roupa deportiva e en 1921 revolucionou o vestiario do tenis xogando cos brazos descubertos e con saias un pouco por debaixo dos xeonllos.[2][3]
Traxectoria
[editar | editar a fonte]Aos 14 anos xogou a súa primeira final dun grande aberto de tenis. Perdeu a final en 1914 mais meses despois converteuse na tenista máis nova en gañar un grande aberto ao conquistar o Campionato Mundial de Pista Dura, marca aínda vixente. Gañou seis torneos de Wimbledon entre 1919 e 1925 e seis Roland Garros entre 1920 e 1926. Foi ademais autora de varios libros sobre tenis.
En xuño de 1938 foi diagnosticada con leucemia e só tres semanas despois quedou cega. A principios de xullo, a prensa francesa anunciou que Lenglen estaba extremadamente fatigada e faleceu poucos días despois de anemia perniciosa.[4][5] Foi enterrada no Cimetière de Saint-Ouen en Saint-Ouen, nas proximidades de París.
Palmarés
[editar | editar a fonte]Durante a súa carreira, Lenglen gañou 81 títulos individuais, sete dos cales os conseguiu sen perder ningún xogo, 73 títulos en dobres e 8 títulos en dobres mixtos. Mantense como a única xogadora en gañar os títulos de Wimbledon en individuais, dobres e dobres mixtos no mesmo ano (1920, 1922 e 1925).
O número total de Grand Slam gañados é de 31, aínda que os títulos obtidos no Campionato de Francia non se contabilizan sempre porque o torneo non estivo aberto a todos os xogadores ata 1925. De aí que algunhas fontes acrediten só 21 títulos.
Títulos individuais de Grand Slam
[editar | editar a fonte]Ano | Torneo | Opoñente na final | Marcador |
---|---|---|---|
1914 | World Hard Court Championships | 6-3, 6-2 | |
1919 | Wimbledon | 10-8, 4-6, 9-7 | |
1920 | Wimbledon (2) | 6-3, 6-0 | |
1921 | World Hard Court Championships (2) | 6-2, 6-3 | |
1921 | Wimbledon (3) | 6-2, 6-0 | |
1922 | World Hard Court Championships (3) | 6-3, 6-2 | |
1922 | Wimbledon (4) | 6-2, 6-0 | |
1923 | World Hard Court Championships (4) | 6-2, 6-3 | |
1923 | Wimbledon (5) | 6-2, 6-2 | |
1925 | Roland Garros (5) | 6-1, 6-2 | |
1925 | Wimbledon (6) | 6-2, 6-0 | |
1926 | Roland Garros (6) | 6-1, 6-0 |
Torneo | 1914 | 1915 | 1916 | 1917 | 1918 | 1919 | 1920 | 1921 | 1922 | 1923 | 1924 | 1925 | 1926 | GJ total |
---|---|---|---|---|---|---|---|---|---|---|---|---|---|---|
Australia | NC | NC | NC | NC | NC | NC | NC | NC | A | A | A | A | A | 0 / 0 |
Roland Garros1 | C | NC | NC | NC | NC | NC | 1R | C | C | C | NC | C | C | 6 / 7 |
Wimbledon | A | NC | NC | NC | NC | C | C | C | C | C | SF | C | 3R | 6 / 8 |
Estados Unidos | A | A | A | A | A | A | A | 2R | A | A | A | A | A | 0 / 1 |
GX por ano | 1 / 1 | 0 / 0 | 0 / 0 | 0 / 0 | 0 / 0 | 1 / 1 | 1 / 2 | 2 / 3 | 2 / 2 | 2 / 2 | 0 / 1 | 2 / 2 | 1 / 2 | 12 / 16 |
C = Campioa. SF = Semifinal. 3R = 3.ª rolda. 2R = 2.ª rolda. 1R = 1.ª rolda NC = non celebrado. A = Ausente, non participou. GX = Torneos gañados / Torneos xogados
Recoñecementos póstumos
[editar | editar a fonte]- En 1997 a segunda pista do estadio Roland Garros, onde se xoga o Aberto de Francia, pasou a denominarse "Pista Suzanne Lenglen" na súa honra.
- Catro anos despois, a Federación Francesa de Tenis organizou a primeira Copa Suzanne Lenglen para mulleres de máis de 35 anos. Se ben primeiro se levou a cabo en Francia, este evento dispútase nun país diferente cada ano.
- Lenglen foi incluída no Salón da Fama do Tenis Internacional en 1978.
- O 24 de maio de 2016 Google dedicoulle un doodle o día en que cumpriría 117 anos argumentando que "ela rompeu barreiras a través do seu xogo apaixonado, vestimenta pouco tradicional e a súa postura en contra das formalidades do deporte. Coa influencia de Lenglen o tenis feminino obtivo a atención que merecía e converteuse nun deporte non só para algúns, senón para todos".[3]
Notas
[editar | editar a fonte]- ↑ Los 100 protagonistas del siglo XX. VVAA. El País S.A. 1992. ISBN 84-86459-41-9
- ↑ "Suzanne Lenglen, la Divine, habillée par Jean Patou". Photo Memory (en francés). Consultado o 22 de agosto de 2017.
- ↑ 3,0 3,1 "Quién es Suzanne Lenglen, la diva del tenis a quien Google le dedicó su doodle". BBC Mundo. 24 de maio de 2016. Consultado o 22 de agosto de 2017.
- ↑ "Le Journal". Gallica.
- ↑ "CNN: Suzanne Lenglen – The first diva of tennis". Consultado o 16 de agosto de 2015.
Véxase tamén
[editar | editar a fonte]Wikimedia Commons ten máis contidos multimedia na categoría: Suzanne Lenglen |
Bibliografía
[editar | editar a fonte]- La Méthode d'initiation au tennis de Suzanne Lenglen por Jean Tillier, Féderation française de lawn tennis. Gallimard 1942
- Tenistas olímpicos de Francia
- Nados en París
- Nados en 1899
- Finados en 1938
- Finados por leucemia
- Tenistas nos Xogos Olímpicos de 1920
- Medallistas nos Xogos Olímpicos de 1920
- Medallistas olímpicos de ouro por Francia
- Medallistas olímpicos de bronce por Francia
- Medallistas olímpicos en tenis
- Campións do Campionato de Wimbledon
- Campións do Roland Garros