Putrajaya

Putrajaya
	Bandeira
Localización
	2°56′N 101°41′L / 2.93, 101.69
Estado	Malaisia
Enclave en	Selangor
Capital de	Malaisia
Poboación
Poboación	68.361 (2010) (1.395,12 hab./km²)
Lingua usada	Mah Meri (en) ; Temuan (en)
Xeografía
Superficie	49 km²
Comparte fronteira con	Selangor
Creación	1995
Identificador descritivo
Código postal	62000–62999
ISO 3166-2	MY-16
Outro
Irmandado con	Tangerang (pt)
Páxina web	ppj.gov.my

Putrajaya é unha cidade planificada, 25 km ao sur de Kuala Lumpur, que serve como o centro administrativo federal de Malaisia. A sede do goberno trasladouse en 1999 de Kuala Lumpur a Putrajaya, debido ao hacinamento e a conxestión na área de Kuala Lumpur. Con todo, Kuala Lumpur segue sendo capital nacional de Malaisia, ao ser a sede do Rei e o Parlamento, así como o centro comercial e financeiro do país. Putrajaya foi idea do ex primeiro ministro Mahathir bin Mohamad. En 2001, converteu Putrajaya no terceiro Territorio Federal de Malaisia logo de Kuala Lumpur e Labuan.

Leva o nome do primeiro O primeiro ministro de Malaisia, Tunku Abdul Rahman Putra, a cidade está dentro d Corredor Super Multimedia, xunto á recentemente desenvolvida Cyberjaya. En sánscrito, "putra" significa "príncipe" ou "fillo varón", e "Jaya" significa "éxito" ou "vitoria". O desenvolvemento de Putrajaya comezou a principios de 1990, e hoxe en día os principais puntos de referencia completáronse e espérase que a poboación creza nun futuro próximo.

Historia e deseño

Putrajaya, que orixinalmente chamábase Prang Besar (ڤراڠ بسر), fundouse en 1918 como Air Hitam polos británicos. fundada cunha superficie de 3´2 km², logo expandiuse a 32 km², e fusionouse cas leiras circundantes, incluíndo Estet Raja Alang, Estet Galloway e Estet Bukit Prang..

A idea de crear un novo Centro Administrativo do Goberno Federal para substituír a Kuala Lumpur como a capital administrativa xurdiu a finais de 1980, durante o mandato do cuarto primeiro ministro de Malaisia, Mahathir bin Mohamad . A nova cidade foi pensada para estar situada entre Kuala Lumpur e o novo Aeroporto Internacional de Kuala Lumpur (KLIA).

O goberno federal negociou co estado de Selangor a perspectiva doutro Territorio Federal na década de 1990, o goberno federal pagou unha cantidade substancial de diñeiro a Selangor por aproximadamente 45´8 km² de terra en Prang Besar, Selangor. Como resultado desta compra de terras, o estado de Selangor agora rodea completamente os dous territorios federais dentro das súas fronteiras, é dicir, Kuala Lumpur e Putrajaya.

Planeado como un xardín e cidade intelixente, o 38% da superficie está reservada para espazos verdes, facendo fincapé na mellora da paisaxe natural. Unha rede de espazos abertos e amplos bulevares incorporáronse ao plan. A construción comezou en agosto de 1995 e foi o proxecto máis grande de Malaisia e un dos máis grandes de Asia Sur Oriental cun custo final estimado de 8´1 mil millóns de dólares USA. Todo o proxecto foi deseñado e construído por empresas de Malaisia con só o 10% dos materiais importados.

A crise financeira asiática de 1997/1998 reduciu un pouco o desenvolvemento de Putrajaya. En 1999, 300 membros do persoal da oficina do primeiro ministro trasladouse a Putrajaya e os funcionarios públicos restantes movéronse en 2005. O 1 de febreiro de 2001 Tun Dr. Mahathir declarou Putrajaya como Territorio Federal coa cerimonia de entrega do municipio de Putrajaya ás autoridades estatais de Selangor.

En 2002, foi inaugurado un enlace ferroviario chamado KLIA Tránsito, que une tanto a Putrajaya con Kuala Lumpur e o aeroporto internacional de Kuala Lumpur en Sepang. Con todo, a construción do monorraíl de Putrajaya, que estaba destinado a ser o sistema de metro da cidade, foi suspendido debido aos custos. Unha das pontes colgantes do monorraíl en Putrajaya permanece sen utilizar.

En 2007, a poboación de Putrajaya estímase en máis de 30.000 habitantes, que se compón principalmente de funcionarios gobernamentais. Alentouse aos funcionarios gobernamentais a trasladarse á cidade a través dunha variedade de programas de subvencións e préstamos do goberno.

En abril de 2013, o goberno de Putrajaya asinou unha carta de intención (LOI) co goberno da Cidade Sejong de Corea do Sur para marcar a cooperación entre as dúas cidades.^[1]

Goberno e a infraestrutura

A partir de 2012 case todos os ministerios gobernamentais de Malaisia trasladáronse a Putrajaya. Os únicos ministerios que quedan en Kuala Lumpur son o Ministerio de Comercio Internacional e Industria, Ministerio de Defensa e o Ministerio de Obras..^[2]

Relixión

Segundo o censo de poboación de 2010 de Putrajaya é 97,4% musulmá, 1,0% hindú, 0,9% cristiá, 0,4% budista, e o 0,3% outros ou ateos..^[3]

Transporte

Putrajaya ten a rotonda máis grande do mundo, a Persiaran Sultán Salahuddin Abdul Aziz Shah cun perímetro de 3´5 km.

Galería de imaxes

Imaxe panorámica de Putrajaya, (de esquerda a dereita) a Ponte Putra, o Ministerio de Finanzas á esquerda, a Ponte Seri Wawasan, o Istana Darul Ehsan xunto a el