Siluro

Siluro esas granda karnivora fisho sen squami en nesala aquo. Ol esas tre glata e chasas nokte.

Ol plugrandeskas rapide ed atingas 20 cm dum la unesma yaro di lua vivo.

Lua kapo esas masiva e larja kun granda boko, qua esas provizita per tre multa mikra denti. Ol havas sis barbeti, de qui du esas tre longa sur la maxilo. Lua okuli situesas alte e esas mikra, e la audado esas ecelanta.