Yuen Biao

Yuen Biao
Yuen Biao
	; Yuen Biao ing filem Dragons Forever (1988)
Jeneng Cina	元彪 (Tradhisional)
Jeneng Cina	元彪 (Prasaja)
Pinyin	Yuán Biāo (Mandarin)
Jyutping	Jyun4 Biu1 (Kanton)
Jeneng lair	夏令正 (Traditional); Xià Lìngzhèng (Mandarin); Haa6 Ling6zeng3 (Cantonese)
Lair	Juli 26, 1957 (umur 67); Hong Kong
Jeneng liya	Bill Yuen; Jimmy Yuen
Pakaryan	aktor, prodhuser, koreografi aksi laga
Taun aktif	1962 – sapunika
Jeneng pasangan	DiDi Phang Sau-Ha (1984 – sekarang)
Anak	2

Yuen Biao (lair 26 Juli 1957; umur 67 taun) inggih punika salah satunggaling aktor saking Hong Kong. Piyambakipun gadhah kawegigan ingkang mirunggan wonten ing seni bela diri kungfu lan sampun nyambut damel kirang langkung wonten ing 80 filem minangka aktor, stuntman lan koréografi aksi laga. Sesarengan kaliyan sadhèrèkipun lulusan saking Sekolah Opera Peking, Sammo Hung lan Jackie Chan, piyambakipun minangka salah satunggal saking anggota Seven Little Fortunes.^[1]

Taun - taun wiwitan

Miyos minangka 夏令正 Xià Lìng-Zhèng (Hsia Ling-Jun) wonten ing nagara Hong Kong, Yuen minangka anak kaping 5 saking 6 sadhèrèk. Piyambakipun ngangsu kawruh wonten ing China Drama Academy antawising umur 5 dumugi enem welas (16) taun, lan sasampunipun punika, piyambakipun ngrembakaken karieripun wonten ing donya perfileman Hong Kong.

Karier Film

Wiwitan 1970-an

Wonten ing wiwitan taun 1970an, Yuen wiwit nyambut damel minangka salah satunggaling stuntman lan peran pambiyantu. Sasampuning mainaken peran wonten ing filem kanthi judhul Fist of Fury, Way of the Dragon, Yuen dados satunggaling stunt kanggé Bruce Lee wonten ing filem Enter the Dragon, taun 1973. Piyambakipun ugi minangka salah satunggaling "tiruan" saking Bruce Lee wonten ing filem Game of Death (1978), nindakaken manéka macem obahan akrobatik lan stunt ing pundi Bruce Lee "body double" (Taekwondo expert, Tai Chung Kim) boten saged nindakaken. Yuen tetep nyambut damel minangka satunggaling stuntman, lan ugi minangka satunggaling aktor wonten ing donya indhustri perfileman Hong Kong.

Wonten ing wiwitan peranipun, piyambakipun migunakaken nama panggung Bill Yuen kanggé filem-filem Hong Kong ingkang dipunédaraken kanggé kalangan internasional. Sesarengan kaliyan kasuksesanipun ingkang ndhèrèkaken Jackie Chan kaliyan Golden Harvest, ingkang gadhah nama sami, saéngga wonten ing credit title namanipun dipunserat minangka "Jimmy Yuen".^[2]

Pungkasan 1970an lan 1980an

Pungkasan taun 1970an lan awal-awal taun 1980an, berkat gayutan saénipun kaliyan kanca-kancanipun lan kanca satunggal kelasipun, Sammo Hung lan Jackie Chan, piyambakipun wiwit nyambut damel kanthi rutin minangka aktor. Sasampuning main minangka pemeran pambiyantu wonten ing filem The Dragon, the Odds (1977) lan peranipun minangka peran utama wonten ing Knockabout (1978), piyambakipun wiwit misuwur lumantar sapéranngan filem sukses ing wiwitan taun 1980an, salah satunggalipun ingkang asring dipunsebut inggih punika The Prodigal Son (dipunsutradarai déning Sammo Hung) lan Dreadnaught (dipunsutradarai déning Yuen Woo-ping). Lajeng piyambakipun ugi main sesarengan kaliyan "sadhèrèkipun" saking Sekolah Opera Peking, Chan lan Hung, wonten ing filem Project A, Wheels on Meals lan Dragons Forever. Kajawi punika piyambakipun ugi medal wonten ing sapérangan peran alit wonten ing sapérangan filem kados ta Hung trilogi Lucky Stars.^[3]

Cathetan suku

↑ http://www.freewebs.com/yuenbiaofans/index.htm Yuen Biao Australian Fan site
↑ http://www.imdb.com/name/nm0950707/
↑ http://kcwoman.bravepages.com/Yuen_Biao/Index.html Archived 2012-04-13 at the Wayback Machine. Fan site

Pranala njaba

Yuen Biao ing Internet Movie Database
Jade Screen: The Hong Kong Movie Magazine Archived 2008-10-11 at the Wayback Machine.

[1] ttp://www.freewebs.com/yuenbiaofans/index.htm Yuen Biao Australian Fan site

[2] ttp://www.imdb.com/name/nm0950707/

[3] ttp://kcwoman.bravepages.com/Yuen_Biao/Index.html Archived 2012-04-13 at the Wayback Machine. Fan site

[1]

[2]

[3]