Mickey Mouse
Mickey Mouse
| |
---|---|
Welat | |
Çêker |
|
Dema avabûnê | |
Jê îlhamgirtî | |
Xelat | |
Malper | mickey |
Wêneyê plakê ya yadgarî ji bo Mickey Mouse | |
biguhêre - Wîkîdaneyê biguhêre |
Mickey Mouse karakterek fîlmê karton û xêzeçîrokan e ku di sala 1928an de ji hêla Walt Disney û Ub Iwerks ve hatiye çêkirin. Wek maskota Pargîdaniya Walt Disney, Mickey mişkek antropomorfîk e ku bi gelemperî şortên sor, pêlavên zer ên mezin, û lepikên spî li xwe dike. Mickey ji kesayetiyên fîlmên bêdeng ên wekî Trampa Charlie Chaplin îlhamê digire, bi kevneşopî wekî karakterek sempatîk ku bi zirav û jêhatîbûnê derbas dibe tê destnîşan kirin. Karaktera mişkek piçûk bi bejna wî ya tenik hate kesayet kirin û bi dengê falsetto ji hêla Disney ve hatî peyda kirin. Îro Mickey yek ji karakterên xeyalî yên herî naskirî û gerdûnî yên hemî deman e.
Mickey şûna karakterek berê ya Disney, Oswald The Lucky Rabbit, hate afirandin û cara ewil di kurtefîlma Steamboat Willie (1928) de hate dîtin, ya ku yek ji yekem karîkaturên bi deng bû. Karakter bi eslê xwe xwediyê navê "Mortimer Mouse" bû, heya ku Lillian Disney di rêwîtiyek trênê de li şûna wê navê "Mickey" pêşniyar kir. Karakter li zêdetirî 130 fîlman derket, di nav de The Band Concert (1935), Brave Little Tailor (1938) û Fantasia (1940). Mickey di serî de di kurtefîlman de xuya bû, lê carinan di fîlmên dirêj derket ekranan. Deh fîlmên kartonê yên Mickey ji bo Xelata Oscarê wek Baştirîn Kurtefîlma Anîmasyonî hatin berbijêrkirin û yek ji wan, Lend a Paw, di sala 1941an de xelat wergirt. Di sala 1978an de, Mickey bû yekem karakterê fîlmên kartonê ku bibe xwediyê stêrkek li Hollywood Walk of Fame.
Di destpêka sala 1930an de, Mickey di heman demê de bi berfirehî di komîk strîp û xêzeromanan de hate pêşandan. Komîk stripa Mickey Mouse, ku di serî de ji hêla Floyd Gottfredson ve dihat kişandin, bo 45 salan hate weşandin. Di heman demê de Mickey di xêzeromanên cûrbicûr de jî derket. Mickey di rêzefîlmên televîzyonê yên wekî The Mickey Mouse Club (1955–1996) û yên din de jî cih digire. Ew di medyayên din ên wekî lîstikên vîdyoyê û her wiha bazirganiyê de xuya dike û li parkên Disney karekterek bingehîn e.
Mickey bi gelemperî li gel hevala xwe Minnie Mouse, kûçikê xwe yê heywandar Pluto, hevalên wî Donald Duck û Goofy û dijminê wî Pete xuya dike. Her çend di eslê xwe de wekî mêrxasek dilşikestî hate destnîşan kirin, Mickey bi demê re wekî zilamek biaqil hate nûve kirin, ku bi gelemperî wekî lehengek dilsoz û dilpak hate dîtin. Di sala 2009an de, Disney dest pê kir ku karakterê ji nû ve binav bike û kêmtir giranî da ser kesayeta xweya dostane û dilpak. Li şûna vê, wan bi derxistina lîstika vîdyoyê Epic Mickey aliyên maceraperest û serhişk ên kesayetiya wî ji nû ve destnîşan kirin.[1]
Çavkanî
[biguhêre | çavkaniyê biguhêre]- ^ Barnes, Brooks (5 çiriya paşîn 2009). "After Mickey's Makeover, Less Mr. Nice Guy". The New York Times (bi îngilîziya amerîkî). Roja gihiştinê 12 kanûna paşîn 2023.