Nordenham
Nordenham
Locus: 53°30′0″N 8°28′0″E
Numerus incolarum: 26 308
Zona horaria: UTC+1, UTC+2
Situs interretialis
Gestio
Geographia
Coniunctiones urbium
Tabula aut despectus
Nordenham est oppidum Saxoniae Inferioris ad Visurgim flumen situm et commune maximum Circuli Alluvionis Visurgensis. Ad Nordenham commune vici Abbehausen, Abbehauser Groden, Abbehauser Hörne, Abbehauserwisch, Atens, Atenserfeld, Blexen, Blexersande, Blexerwurp, Bulterweg, Butterburg, Einswarden, Ellwürden, Enjebuhr, Esenshamm, Esenshammer Altendeich, Esenshammer Oberdeich, Esenshammergroden, Friedrich-August-Hütte, Grebswarden, Großensiel, Havendorf, Heering, Hoffe, Kloster, Moorseersand, Oberdeich, Phiesewarden, Rahden, Sarve, Schockumerdeich, Schweewarden, Schütting, Tettens, Treuenfeld atque Volkers necnon insulae Langlütjen I et Langlütjen II pertinent.
Historia
[recensere | fontem recensere]Vicus Blexen ab anno 1933 ad Nordenham pertinens vetustissumus omnis regionis est, nam Willehadus episcopus Bremae hic die 8 Novembris 789 mortuus est. Anno 1063 Henricus IV imperator paludem ad ripam laevam Visurgis archiepiscopo Bremae tradidit, qui hic colonos Nederlandicos collocavit. Qui "Stedingi" nominati postea libertatem suam defendentes a Gerhardo II archiepiscopo anno 1234 ut haeretici victi sunt. Ab anno 1523 a comitibus, ab anno 1815 a Ducibus Magnis Oldenburgensibus recta est. Saeculo 19 hic portus institutus est, per quem boves in Britanniam exportati sunt. Postea et petroleum et frumentum importata sunt. Anno 1908 Nordenham conditum est et oppidi minoris ius accepit. Anno 1918 Oldenburgum res publica facta est. Anno 1933 pars Circuli Alluvionis Visurgensis facta est et Blexen cum Nordenham coniunctum est. Ab anno 1946 ad Saxoniam Inferiorem pertinet. Anno 1974 vicus Abbehausen et pars maior communis Esenshamm cum Nordenham coniuncti sunt.
Nexus externi
[recensere | fontem recensere]
|
Vicimedia Communia plura habent quae ad Nordenham spectant. |