Apofonia

Apofonia (acc ablaut) es cualce cambia de sona en un parola cual indica informa gramatical, plu comun infleta. En engles, per esemplo, on pote vide cambias de vocales en verbos "forte", como sing, sang, sung, song ("canta", "ia canta", "cantada", "la/un canta/cantada"). Consonantes pote ance cambia, como engles live, live, life ("vive", "vivente", "la/un vive"), cual conteni cambias de la pronunsia de ambos vocal e consonante (/lɪv/, /laɪv/, /laɪf/).

Un forma de apofonia es armonia de vocales. En alga linguas (pe suomi, magjar, turces, etc), la vocal en un sufisa debe coresponde con un vocal en la radis. Per esemplo, como en suomi, si la vocal de la radis es un vocal fronte, la voca en la sufisa debe es ance fronte; si un vocal dorsal, la otra debe es ance dorsal. En otra linguas, la acorda pote es entre du vocales alta o basa, o nasalida o nonasalida, etc.

Un forma spesial de apofonia es metafonia (acc umlaut) es casos en cual un vocal en un parola es influeda par un otra en un prosede de asorbe. La cambia es normal a un distantia, pd la vocal cual causa la cambia pote es separada de la vocal afetada par alga consonantes o an alga silabas. Lo es comun restrinjeda a esemplos en la linguas germanica, pe engles foot e feet ("pede/pedes"), mouse" e "mice ("mus/muses"), etc. Plu temprana, estas ia ave sufisas (pe *fōt/*fōti, *mūs/*mūsi en germanica ueste antica).

Esemplos e varias

Apofonia de consonantes, pe par palati, fricanti, vosi, etc (esemplos de bemba, un lingua bantu de Zambia):

luba (es perdeda) - lufya (perde)
pona (cade) - ponya (fa cade)

Un otra esemplo de esta es la mutas inisial - multe comun en la linguas celta como eres. Estas aveni cuando la parola segue alga preposadas, determinantes, e preverbos:

peann /pʲaːn̪ˠ/ - pheann /fʲaːn̪ˠ/ - "pen"
teach /tʲax/ - theach /hax/ - "casa"
ceann /caːn̪ˠ/ - cheann /çaːn̪ˠ/ - "testa"
bean /bʲan̪ˠ/ - bhean /vʲan̪ˠ/ - "fem"
droim /d̪ˠɾˠiːmʲ/ - dhroim /ɣɾˠiːmʲ/ - "dorso"
glúin /ɡɫ̪uːnʲ/ - ghlúin /ɣɫ̪uːnʲ/ - "jena"
máthair /mˠaːhəɾʲ/ - mháthair /waːhəɾʲ/, /vaːhəɾʲ/ - "madre"
súil /sˠuːlʲ/ - shúil /huːlʲ/ - "oio"
peann /pʲaːn̪ˠ/ - bpeann /bʲaːn̪ˠ/ - "pen"
teanga /tʲaŋɡə/ - dteanga /dʲaŋɡə/ - "tongue"
ceann /caːn̪ˠ/ - gceann /ɟaːn̪ˠ/ - "head"
freagra /fʲɾʲaɡɾˠə/ - bhfreagra /vʲɾʲaɡɾˠə/ - "answer"
bean /bʲan̪ˠ/ - mbean /mʲan̪ˠ/ - "woman"
droim /d̪ˠɾˠiːmʲ/ - ndroim /n̪ˠɾˠiːmʲ/ - "back"
éan /eːn̪ˠ/ - n-éan /nʲeːn̪ˠ/ - "bird"
oíche /iːhə/ - n-oíche /n̪ˠiːhə/ - "night"

La armonia de vocales es un cualia cual es comun en la linguas uralica, turcica, mongol, corean, e multe otras - esemplos de suomi de armonia de la vocal de la sufisa con lo de la radis. La regulas de armonia en suomi:

un vocal inisial dorsal (a, o, u) - otra vocales debe es dorsal (o neutral)
un vocal inisial frontal (ä, ö, ü) - otra vocales debe es dorsal (o neutral)
un vocal inisial neutral (e, i) - otra vocales segue la loca de un vocal noninisial

Esemplos con la sufisa -lla/-llä

kaura comensa con un vocal dorsal → kauralla
kuori comensa con un vocal dorsal → kuorella
sieni comensa con un vocal frontal → sienellä
käyrä comensa con un vocal frontal → käyrällä
kerä comensa con un vocal neutral → kerällä

Un otra esemplo de armonia de vocales en cual la vocal de la sufisa cambia la vocal de la radis, es comun en linguas indoeuropean (esemplos de deutx e engles):

Buch - Bücher
Haus - Häuser
child - children (/ai/ > /ı/)
drive - driven (/ai/ > /ı/)

Umlaut es causada par un sufisa vea cual ia es plu tarda cadeda (esemplos de engles):

swim - swam - swum
fall - fell - fallen
bring - brought
foot - feet
goose - geese

Apofonia de parla (acc suprafix) - la varia de tono, longia, o asentua (esemplos de engles):

ínsult (nom) - insúlt (verbo)
pérvert (nom) - pervért (verbo)

Transfisa, la usa de varias de pronunsia per indica tempo, modo, aspeta, partisipios, atores, infinitivas, jenero, pluralia, etc, es un marca de la linguas afroasiatica, como arabi. A su es parolas fundida sur la radis k-t-b ("scrive"). Nota ce dupuntos (:) sinifia ce la consonante presedente la vocal es duplida, e Ø sinifia ce no vocal aveni en acel loca.

kataba - "el ia scrive" - (a - a - a)
kutiba - "lo ia es scriveda" - (u - i - a)
yaktubu - "el scrive" - (ya - ∅ - u - u)
yuktiba - "lo es scriveda" - (yu - ∅ - i - a)
kaatib - "scrivente (partisipio ativa); scrivor" - (aa - i)
kuttaab - "scrivores" - (u - ːaa)
maktuub - "scriveda" - (ma - ∅ - uu)
kitaabah - "(la ata de) scrive" - (i - aa - ah)
kitaab - "libro" - (i - aa - )
kutub - "libros" - (u - u)
kaataba - "el ia coresponde con" - (aa - a - a)
kattaba - "el ia causa ce (algun) scrive" - (a - ːa - a)
kuttiba - "el ia es causada per scrive" - (u - :ːi - a)