NOS
Dit artikel is gesjreve (of begós) in 't Sjènnes. Laes hie wie v'r mit de versjillende saorte Limburgs ómgaon.
De NOS, oftewaal de Nederlandse Omroep Stichting is 't euverkoepelend orgaan van alle Nederlandse omrope. De NOS is es 't ware 't gezich van alle Nederlandse omrope in 't boetelandj. De NOS is same mèt de NPS de einsigste omroep zonger lede. De NOS haet es opdrach te zörge veur ein algemein doel, wie nuuts, sjport en informasie.
De NOS is opgerich in 1969 wie de NTS (Nederlandse Televisie Stichting) en de NRU (Nederlandse Radio Unie) woorte samegesjmolte tot ein organisasie. Vanaaf dat moment kreeg de NOS ouch alle radio- en tillevisiesjtudio's in de henj, sjus wie auch alle reportagewages en geboewer op die van de omrope nao. Allein de apparatuur in de sjtudio's van de omroope woort van de NOS. Wier waor de NOS 't euverlikorgaan van alle omrope. 't Besjtuur besjtong dan ouch oet veurzitters van alle omrope die oetzenje op radio en tillevisie.
Omdat de NOS de Nederlandse omroop deit vertegenwoordige in 't boetelandj, verzörg de NOS jeker jaor de oetzènding van 't Eurovisie Leedjes Festival. De Nederlandse inzending wurd dan auch names de NOS ingezonje.
In 1989, wie de NOS alle regionaal omrope aafsjtaotde, höbbe ze ouch 't sjtudiobeheer aafgesjtaote. Vanaaf dae tied ging dat ongerdeil wier onder de naam Nederlands Omroepproduktie Bedrijf (NOB). Ein paar jaor later ging auch de programmaroad van de NOS op in ein nuuj organisasie, onger de einvoudige naam Publieke Omroep. De NOS ging zich noe allein nog bezig howte mèt 't make van radio- en tillevisieprogramma's. Juridisch gezeen zeen de NOS en Publieke Omroep waal nog mètein verbonge, want nao boete toe, en veural nao 't boetelandj treat men op names de NOS.