Thimister-Clermont
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Thimister-Clermont ies 'n gemeinte in 't noorde van de Belzje provincie Luuk, in 't arrondissement Verviers. De gemeinte liek in 't Land van Herve, ten noorde van Verviers en ten zuje van Aubel. Thimister-Clermont haet 'n oppervlak van 28,69 km² en 't aantal inweunersj ies 5296 (1 januari 2006).
Thimister-Clermont besjteit oet de veurmalige gemeintes (deilgemeintes) Thimister en Clermont (Luuk), die in 1977 bie de groatsjalige gemeintefusie woorte samegevoog. Wiejer liegke d'r de dörpe Elsaute, Froidthier (a g'ne Freuter, exoniem in 't platduutsj) en La Minerie. Thimister ies 't groatste plaetske en ies 't commercieel centrum. Clermont ies 'n karakteristiek Herve-dörp mèt ouw hoezer, 'n 16e-ièwse kèrk, e 17e-ièws kesjtièl en 'n sjtadhoes dat euver de sjtraot heen ies geboewd. 't Haet de kwalifikatie: Un des plus beaux villages de Wallonie.
