Lunesana
|
Quest articol chì l'è scrivud in lombard, con la Noeuva Ortografia Lombarda |
La Lunesana o Lunigiana (Lunigiana in emilian e italian, Lunensis Ager in latin) l’è 'na region storega de l’Emilia, in del dì d’incœu spartida in tra i region ministrative italiane de Toscana e Liguria, che la cata el so nom de l’antiga cità de Luni, atach a la boca del rial Magra, mia lontan de indoa incœu a gh’è Sarzana, in de la provincia de la Spezzia, in Liguria.
El territori l’è precis a quèll del basin de la Magra e di so fium fiœui, e, a malastant che i so confin inn mia assee ben determinad, i poden vesser tegnid dent de 'na linea che la taca de la costa arent Moneja e, crosant el Pass del Brach, la riva a col de Cent Cros, pœu la va inanz per el spart-aive apeninegh fina al Pass del Cerred e al Mont Belfior, e la vaga sgiò de nœuv a mar, sota Montignos, in tra de la Massa e Prejasanta (MS).