Thailand

Karajaan Thai ราชอาณาจักรไทย (Ratcha Anachak Thai)
Bandera Lambang
Lagu kebangsaan: Phleng Chat Thai Lagu karajaan: Phleng Sansoen Phra Barami
Ibu kota (dan kota paliang gadang)	Bangkok
Bahaso resmi	Thai
Pamarintahan	Monarki konstitusional
• Raja	Rama X
• Pardano Mantari	Prayut Chan-o-cha
Kemerdekaan
• Karajaan Sukhothai	1238–1368
• Karajaan Ayutthaya	1350–1767
• Karajaan Thonburi	1767-7 April 1782
• Karajaan Ratanakosin	7 April 1782 - ???
• Aia (%)	0,4%
Populasi
- Pakiroan 2006	64.700.000 (19)
PDB (KKB)	2005
- Total	US$560,7 miliar (21)
- Per kapita	US$8.300 (69)
IPM	0,784
Mato uang	Baht (฿)
Zona wakatu	(UTC+7)
Lajua kamudi	kiri
Kode telepon	66
Ranah Internet	.th

Karajaan Thai (namo rasmi bahaso Thai: ราชอาณาจักรไทย Ratcha Anachak Thai atau Prathēt Thai), nan labiah acok disabuik Thailand dalam bahaso Inggirih atau dalam bahaso aslinyo Mueang Thai (dibaco: "meng-thai", samo jo versi Inggirihnyo nan baarti "Nagari Thai") adolah sabuah nagaro di Asia Tanggaro nan babateh jo Laos dan Kamboja di timur, Malaysia dan Taluak Siam di selatan, Myanmar dan Lauik Andaman di barat. Thailand dahulu dikenal jo namo Siam sampai tanggal 11 Mei 1949. Kato "Thai" (ไทย) baarti "kebebasan" dalam bahaso Thailand, dapek marujuak kapado suku Thai, sahinggo menyebaban namo Siam masih digunoan di kalangan urang Thai tarutamo kaum minoritas Tionghoa.

Sajarah

Asal mulo Thailand sacaro tradisional bakaik jo sabuah karajaan nan baumua singkek, Kerajaan Sukhothai nan didirian pado taun 1238. Karajaan ko kamudian ditaruihan dek Karajaan Ayutthaya nan didirian pado pertengahan abaik ka-14 dan labiah gadang dari pado Sukhothai. Kebudayaan Thailand tapangaruah sacaro kuek dek Tiongkok dan India. Hubuangan jo babarapo nagari gadang di Eropa bamulo pado abaik ka-16. Thailand tetok batahan sabagai satu-satunyo nagari di Asia Tenggara nan indak pernah dijajah dek nagari Eropa.

Tahun 1932 tajadi revolusi nan indak badarah mambuek dimulokannyo monarki konstitusional. Sabalunnyo dikana jo namo Siam, satalah revolusi nagari ko mangganti namonyo manjadi Thailand pado taun 1939 dan untuak sataruihnyo, pernah sakali mangganti baliak ka namo lamonyo kasudah Parang Dunia II. Pado parang tu, Thailand basarikek jo Japang; tapi katiko Parang Dunia II berakhir, Thailand manjadi sarikek Amerika Sarikek. Babarapo kudeta tajadi dalam taun-tahun satalah baakhirnyo parang, tapi Thailand mulai manggarik ka arah demokrasi sajak taun 1980-an.

Ekonomi

Satalah mangicok rato-rato patumbuahan tatinggi di dunia sajak taun 1985 hinggo 1995 - rato-rato 9% per taun - takanan spekulatif nan maningkek pado mato uang Thailand, Baht, pado taun 1997 mambuek tajadinyo krisis nan mambuka kalemahan sektor keuangan dan mamakso pamarintah untuak mangambangan Baht. Satalah sakian lamo dipatok pado nilai 25 Baht untuak ciek dolar AS, Baht mancapai titiak tarendahnyo pado kisaran 56 Baht di Januari 1998 dan ekonominyo malamah sagadang 10,2% pado taun nan samo. Krisis ko kamudian malaweh ka krisis finansial Asia.

Thailand masuak babak pamulihan pado taun 1999; ekonominyo manguek 4,2% dan tumbuah 4,4% pad taun 2000, kabanyakan marupoan hasil dari ekspor nan kuek - nan maningkek sakitar 20% pado taun 2000. Patumbuahan sampek dipalambek ekonomi dunia nan malunak pado taun 2001, tapi kambali manguek pado taun-tahun kasudahnyo karano patumbuahan nan kuek di RRC dan babarapo program stimulan dalam nagari sarato Kebijakan Duo Jalur nan ditampuah pamarintah Thaksin Shinawatra. Patumbuahan pado taun 2003 dipakiroan mancapai 6,3%, dan dipakiroan pado 8% dan 10% pado taun 2004 dan 2005.

Pambagian administratif

Thailand dibagi kapado 76 provinsi (changwat), nan dikalompokan ka dalam 5 kalompok provinsi. Nan tiok provinsi barasal dari namo ibu kota provinsinyo.

Politik

Balai Takhta Ananta Samakhom, gedung parlemen lamo Thailand, di Bangkok.

Rajo punyo saketek kuaso langsuang di bawah konstitusi tapi marupoan palindung Buddhisme Thailand dan lambang jati diri dan persatuan bangsa. Rajo nan mamarintah saat ko dihormati jo gadang dan dianggo sabagai pamimpin dari segi moral, hal nan alah dimanfaaikkan pado babarapo kasempatan untuak manyalasaian krisis politik. kapalo negari adolah Pardano Mantari, nan dilantik rajo dari anggota-anggota parlemen dan biasonyo adolah pamimpin partai mayoritas.

Parlemen Thailand manggunoan sistem duo ruang dinamokan Majelis Nasional ato Rathasapha - รัฐสภา, nan tasusun dari Dewan Perwakilan (Sapha Phuthaen Ratsadon - สภาผู้แทนราษฎร) nan baanggota 480 urang dan Senat (Wuthisapha - วุฒิสภา) nan baanggota 150 urang. Anggota Dewan Perwakilan manjalani maso bakti salamo ampek taun, samantaro para senator menjalani maso bakti salamo anam taun. Badan kehakiman tatinggi adolah Mahkamah Agung (Sandika - ศาลฎีกา), nan jaksanyo dilantik dek rajo. Thailand adolah anggota aktif dalam ASEAN.

Demografi

Populasi Thailand didominasi etnis Thai dan Lao, nan bajumlah 3/4 dari sadoalah panduduk. Ado juo komunitas gadang etnis Tionghoa. Etnis lainnyo tamasuk etnis Melayu di selatan, Mon, Khmer dan babagai suku urang bukik.

Sakitar 95% panduduk Thailand baagamo Buddha aliran Theravada, tapi ado juo minoritas ketek nan baagamo Islam, Kristen dan Hindu. Bahaso Thailand adolah bahaso nasional Thailand, nan ditulih jo aksaranyo surang, tapi ado banyak jo bahaso daerah lain.

Budayo

Muay Thai, samacam kickboxing ala Thailand, adolah olahraga nasional di Thailand dan marupoan seni beladiri di sinan. Popularitasnyo mamuncak di saluruah dunia pado taun 1990-an.

Ucapan panyambutan nan umum di Thailand adolah isyarat banamo wai, nan sarupo jo gerakan sumbayang. Hal-hal nan tabu dikarajoan di antaranyo adolah maresek kapalo urang dan manunjuk jo kaki, karano kapalo dan kaki adolah bagian tubuah nan paliang ateh dan bawah.

Caliak pulo

• Pasatuan Banso-banso Asia Tenggara
• Buakaw Banchamek

Pautan lua

• (Inggirih) Situs web resmi
• (Indonesia) Otoritas Pariwisata Thailand - Situs resmi pariwisata