Mabadiliko ya tabianchi yanapoendela kujadiliwa nchini Colombia, aina ya maharagwe yenye ladha nzuri na stahimilivu ambayo imekuwepo kwa karne nyingi inaweza kuwa jawabu kwa watu wa jamii ya asili ya Wayúu nchini Colombia.
Uzalishaji wa hewa chafuzi wa kila mwaka uko juu sana, na hatua za haraka lazima zichukuliwe ili kuzuia ongezeko kubwa la joto na kuepuka zahma kubwa zaidi ya mabadiliko ya tabianchi, kulingana na ripoti mpya iliyotolewa leo na Shirika la Umoja wa Maataifa la Mpango wa Mazingira UNEP.
Jukwaa la tisa la Kikanda la Afrika kwa ajili ya Kupunguza hatari za majanga linaendelea mjini Windhoek, Namibia, likiwa na kaulimbiu ya "Chukua Hatua Sasa kwa Ajili ya Afrika Yenye Mnepo Tunayoitaka." Mkutano huu wa siku nne umeandaliwa na serikali ya Namibia kwa kushirikiana na Ofisi ya Umoja wa Mataifa ya Kupunguza hatari za majanga (UNDRR) na Kamisheni ya Umoja wa Afrika, kwa ushirikiano na Jumuiya ya maendeleo kusini mwa Afrika (SADC).
Sudan Kusini inashuhudia mafuriko mabaya zaidi katika miongo kadhaa, ambayo yamesababisha uharibifu mkubwa katika maeneo kadhaa ya nchi, ikiwemo kuzama kwa nyumba na miuondombinu na kuhamishwa kwa zaidi ya watu 226,000.
Mkutano wa 16 wa Umoja wa Mataifa wa nchi wanachama wa Mkataba wa Kimataifa wa bayonuai (COP16) umeng’oa nanga leo katika mji wa Santiago de Cali au Cali huko nchini Colombia ambapo mataifa 196 yatajadili jinsi ya kusitisha na kubadili mwelekeo wa kudorora kwa ulimwengu wa asili.
Umoja wa Mataifa na wadau wake ulimwenguni wanakabiliana na upotevu mkubwa wa wanyama na mimea, tarehe 23 Januari wanakutana jijini Nairobi, kenya kujadili jinsi ya kuepuka upotevu huo, katika mkutano mkuu ambao utaangazia bioanuwai ni nini, na jinsi gani Umoja wa Mataifa, unaweza kusaidia juhudi za kuwezesha asili kuishi na kustawi.
Ujerumani, kupitia Wizara yake ya Ushirikiano wa Kiuchumi na Maendeleo (BMZ) na kupitia Benki ya Maendeleo ya Ujerumani (KFW), imetoa msaada wa 'EUR' milioni 10 kwa Shirika la Umoja wa Mataifa la Mpango wa Chakula Duniani (WFP) ili kuiwezesha kutoa msaada wa dharura kufuatia ukame nchini zambia.
Leo ni siku ya chakula duniani ambako huko Roma, Italia makao makuu ya shirika la Umoja wa Mataifa la Chakula na Kilimo, FAO, kumefanyika tukio maalum la kuadhimisha siku hiyo, washiriki wakisisitiza umuhimu wa kila mtu duniani kupata chakula bora, cha kutosha, salama na kwa bei nafuu.
Eneo la Kusini mwa Afrika linakabiliwa na ukame wa kihistoria na janga kubwa zaidi la chakula ambalo limeathiri zaidi ya watu milioni 27 katika eneo hilo, ameeleza Msemaji wa Shirika la Umoja wa Mataifa la Mpango wa Chakula duniani WFP, Tomson Phiri na akizungumza leo Oktoba 15 kwenye mkutano wa waandishi wa habari katika ofisi za Umoja wa Mataifa jijini Geneva, Uswisi.
Leo katika Siku ya Kimataifa ya Kupunguza Hatari za Maafa Katibu Mkuu wa Umoja wa Mataifa ametoa wito wa kuhakikishia kwamba vijana wana ujuzi na maarifa ili kutengeneza mustakabali unaojali mazingira na wenye mnepo dhiidi ya mabadiliko ya tabianchi, wakatiiikielezwa kuwa hasara ya kila mwaka iliyosababishwa na majanga ya asili ilifikia dola bilioni 131 katika kipindi cha miaka saba.